Museo Centro Gaiás. Foto: cidadedacultura.org
Coñecedes o Museo Centro Gaiás? É parte fundamental da Cidade da Cultura. 3 plantas que acollen exposicións temporais, instalacións e eventos como o Womex 2014, a feira profesional de ‘world music’ máis importante do mundo, que se celebra en Santiago dende mañá ata o próximo 26 de outubro.
Cando visitedes o museo non esquezades descargar a aplicación Museo Centro Gaiás. Permite consultar toda a información das exposicións. O seu motor de xeolocalización determina en que punto está o visitante dentro do edificio amosando información das obras de arte e dos puntos de interese próximos.
Ademais, a app ofrece contido adicional en forma de audio, vídeo ou ligazóns que enriquecen a visita. E ofrécese información práctica como a ruta para chegar á tenda, ou a localización de ascensores, aseos e saídas de emerxencia.
A aplicación está dispoñible para dispositivos Android e iOS.