Baixo este tecnicismo – eficiencia enerxética – englóbanse todas aquelas prácticas que empregan as persoas preocupadas polo medio ambiente e/ou a súa economía familiar.
Do que se trata, a grandes trazos, é de procurar o descenso do uso de enerxía.
Os motivos poden ser variados: reducir o custe enerxético (e a factura eléctrica), promover a sustentabilidade económica e ambiental, maximizar os beneficios nas empresas… un compendio de motivos que procuran un fin común: o aforro de enerxía
As 7 clases de eficiencia enerxética.
A que te lembras de ter visto esta escala? Corresponde a unha directiva europea sobre eficiencia enerxética e marca, nunha escala representada polas letras A, B, C, D, E F e G, o nivel de eficiencia enerxética do aparello que leva o selo, sendo A un aparello moi eficiente a nivel enerxético, e G un aparello cun consumo enerxético non eficiente (o que se traduce nun maior gasto. Pensa que un electrodoméstico de clase A pode consumir a metade que o mesmo nunha clase media, polo que, se estás a pensar en mudar algún dos grandes electrodomésticos da casa, ten en conta esta escala. Co tempo, compensa económicamente.
Recentemente, a Unión Europea engadiu tres novas categorías por roba da A, para aparellos aínda máis eficientes: son as categorías A+, A++ e A+++.
Un equipo con certificación A+++ é o equipo máis eficiente de toda a escala.
Curiosidades: o horario de verán e o de inverno
Sabías que o cambio horario en verán e inverno obecece a criterios de eficiencia enerxética?
Trátase dunha idea proposta orixinalmente por Benjamin Franklin no s. XVIII que se adoptou amplamente en 1916. Consiste en adiantar o reloxo unha hora en verán para usar máis luz diurna e, aínda que tamén ten os seus detractores, beneficia ao comercio e promove o aforro enerxético, xa que se reduce a iluminación artificial. Pola contra, tamén ten efectos negativos: a nivel físico, non todo o mundo se acostuma rápido ao cambio (sobre todo no que se refire a horario de comer e durmir)
E a ti, aféctache o cambio horario, tanto o de verán coma o de inverno?
Amplía información: