Despois de moitas guías prácticas de redes sociais, hoxe compartimos con vós algunhas indicacións para o manexo de Hootsuite, unha das plataformas máis populares para a xestión de redes sociais.
Xestión de redes sociais e moito máis
Hootsuite permítevos agregar con facilidade distintas páxinas de Facebook, Twitter, Google+, LinkedIn, etc. Dende o panel de control poderedes programar tuits e publicacións de Facebook, monitorizar conversas, crear informes de resultados, etc. Que nos permite Hootsuite?
- Responde nun só clic. Calquera membro da túa empresa pode responder nun só clic a mensaxes, mencións e comentarios dende o panel de control.
- Programa as túas mensaxes en redes sociais. Publicas o contido que queres no momento que máis che convén. Resolve o traballo de publicación a primeira hora e durante o resto do día só terás que estar atento para responder o antes posible ás mensaxes que che escriban.
- Respostas arquivadas. Garda respostas para preguntas habituais e que tes que responder todos os días do mesmo xeito.
- Interactúa coa túa audiencia. Hootsuite permítenos segmentar a audiencia á que nos diriximos en función da súa ubicación, idioma, demografía, etc.
Por outra banda, Hootsuite permítenos axilizar os fluxos de traballo e repartir tarefas entre equipos e departamentos. Podes asignar tarefas, recibir notificacións, manter conversas internas, etc. Tamén podemos adaptar o tamaño do equipo de traballo con seguridade, podemos engadir empregados e clientes sen necesidade de compartir contrasinais.
Hootsuite Pro e Hootsuite Enterprise
A conta gratuíta permítevos xestionar ata 3 perfís sociais, programar mensaxes e crear informes básicos. Pero por pouco máis de 7€ ao mes xa podedes acceder a Hootsuite Pro: xestiona ata 100 redes sociais, programa con antelación ata 350 mensaxes e accede e comparte informes de analítica máis completos.
Hootsuite Enterprise ten un custo maior e está pensado para empresas grandes, organizacións e gobernos. Neste caso podedes engadir perfís sociais e membros de equipo sen límites.