Levamos uns cantos posts falándovos de marca persoal. Seguro que volveremos falar do tema pero, polo momento, rematamos a semana recollendo 3 casos de éxito en Galicia. Son 3 exemplos moi diferentes pero que coinciden nun uso efectivo de blogs e redes sociais.
Laura Camino
Como ela mesma nos contaba está capacitada para “calquer labor relacionada con gabinete de comunicación, construción de marca e imaxe corporativa dixital, estratexias de xestión e xeración de contido en redes sociais…”. lauracamino.es é un blog: predomina a información dinámica con artigos relacionados coa comunicación 2.0 e con información dos últimos eventos nos que participou. Ademais hai enlaces ás redes sociais nas que está presente.
Iñaki Quenerapú
Web moi diferente á anterior na que Iñaki Quenerapú condensa todos os intereses que conforman o seu perfil profesional: imaxe corporativa, informática, cómic, formación, teatro, vídeo. É doado comprobar como se desenvolve en todos estes campos se facemos clic nos enlaces aos seus perfís de Twitter, Facebook, Google +, Linkedin e Pinterest.
Javi Mos
Como podedes comprobar na captura, Javi Mos bótalle unha man a quen necesite ter unha presenza profesional na rede e faino cunha linguaxe comprensible. Por outra banda, vén de concluír con éxito un proxecto persoal do que seguro que oístes falar: AdelgazaMos. O obxectivo era baixar dos 100 kg antes do día do seu aniversario, o 26 de febreiro. No blog contaba o día a día do reto e nas redes sociais invitaba á comunidade que o segue a comentar e participar.