Conectarse a Internet nalgunhas das zonas máis illadas de Galicia non é doado. Pero hai máis opcións que contratar o servizo a través dos operadores de telefonía habituais. Sabiades que podedes conectarvos á rede vía satélite?
Antes do 30 de setembro, pódense solicitar as axudas da Xunta para contratar Internet vía satélite: ata 150 euros de gastos de instalación, o equipamento interior en vivendas e empresas (router wifi, etc.), a alta de liña e a primeira mensualidade.
As axudas están destinadas a fogares e empresas con enderezo en Galicia, que non contan cunha conexión de, cando menos, 2 Mbps, mediante outra tecnoloxía. O programa establece unha única subvención por enderezo, destinada a cubrir gastos de instalación e equipamento. Cómpre contratar un servizo dun mínimo de 2 Mbps durante un ano, a través dalgunha das entidades colaboradoras: Duo Teleco, Eurona, Quantis ou Terrachá Technology.
A medida tivo unha primeira convocatoria no 2012 da que se beneficiaron preto de 700 usuarios. Forma parte do Plan de Banda Larga da Xunta de Galicia cuxo obxectivo principal e que todos os galegos conten cun servizo de Internet de banda larga de calidade.
Somos un albergue de peregrinos y con movistar sólo tenemos un mega.
Estamos en San Mamede del camino en Sarria Lugo. Gracias.
Estimada Paloma: Moitas grazas pola túa mensaxe.
Para tramitar estas axudas tes que contactar con algunha das empresas colaboradoras. Actualmente son catro: Duo Teleco, Eurona, Quantis ou Terrachá Technology.