Á realidade aínda nova do ecommerce súmase a do m-commerce (mobile commerce); cada vez atopámonos máis cómodos mercando dende os dispositivos móbiles. Usamos móbiles e tabletas para consumir contidos pero tamén para mercar produtos ou contratar servizos. Un estudo da compañía Javelin conclúe que o m-commerce é o único mercado que está a medrar significativamente dentro do ecommerce.
As previsións son que no 2019 existan uns 217.000 millóns de consumidores que merquen dende aplicacións móbiles ou dende o navegador pero sempre dende dispositivos móbiles. O 45% do ecommerce farase dende móbiles e tabletas.
O estudo revela que os bens físicos será o que máis merquemos (51%). Tamén destacarán os xogos (38%), a música (38%) e as apps (37%). Por outra banda, aínda que vos sorprenda, o 18% dos usuarios merca tonos de chamada.
O móbil para mercar e para pagar
Máis alá das compras que fagamos a través do móbil, prevese que tamén teñan un impacto importante nos puntos de venta físicos. As pasarelas de pago móbiles serán cada vez máis habituais. A previsión é que no 2019 o 5% dos pagos en tenda se fagan dende un móbil. O seguinte paso sería que o móbil como ferramenta de pago adiante ao móbil como soporte de comercio.
Acostumarémonos a usar o móbil como ferramenta de pago? É un cambio que implica unha nova pauta de consumo e que obriga a traballar aínda máis en materia de seguridade dixital. Que opinades?
Fonte: PuroMarketing.