, ,

As Tic, oportunidade ou ameaza para o sector turístico?

TripAdvisor

TripAdvisor, rede social de viaxes

As tecnoloxías da información e da comunicación transformaron o sector turístico nos últimos anos. Amadeus (empresa provedora de tecnoloxía para a industria das viaxes) presentaba o ano pasado o estudo “Del caos a la colaboración” no que se analiza o cambio impulsado polas TIC no turismo.

As axencias, os destinos turísticos, os viaxeiros…, móvense agora nun entorno colaborativo motivado polo crecente uso das TIC; antes de viaxar compartimos informacións e opinións, e as axencias, os hoteis…, comunícanse directamente cos seus clientes para coñecer dúbidas, necesidades e intereses.

O estudo chega a 6 conclusións interesantes que paga a pena repasar:

  1. A xeración da experiencia de viaxe. Os dispositivos móbiles intelixentes e tecnoloxías como a realidade aumentada, que nos permite interactuar co destino que visitamos a través do móbil ou da tablet, están a transformar a experiencia de viaxe. Información, eventos, opinións de restaurantes…, na palma da man.
  2. Tránsito automático. Dentro de non moito xa non haberá que facturar nos aeroportos ou nas estacións de tren. Tecnoloxías como os chips, os lectores de pegadas dixitais a distancia ou a tecnoloxía NFC, cambiarán e acelerarán o tráfico de persoas.
  3. Pago con memoria. Todos os pagos que fagamos nunha viaxe formarán parte da nosa “historia dixital”. Estes rexistros intelixentes de pasaxeiros poderán servir para ofrecer servizos personalizados.
  4. Recomendacións intelixentes. Cada vez viaxamos máis informados por amigos ou comunidades de usuarios nas que confiamos. Coñecedes TripAdvisor? Pronto vos falaremos desta rede social para viaxeiros.
  5. Eliminación do estrés da viaxe. Podemos conseguilo grazas aos billetes intelixentes ou a aplicacións móbiles creadas, por exemplo, para controlar a nosa saúde ou a seguridade no fogar.
  6. Turista de negocios. Perfil ao que responden os viaxeiros incapaces de desconectar do traballo ou profesionais que viaxan a miúdo, que demandan servizos adaptados ás súas necesidades. Cantos de vós poderiades traballar sen conectarvos á rede?

Deixa unha resposta

O teu enderezo electrónico non se publicará Os campos obrigatorios están marcados con *

En cumprimento do disposto no artigo 5 da Lei Orgánica 15/1999, do 13 de decembro, de protección de datos de carácter persoal infórmaselle que os datos persoais que facilite neste formulario quedarán rexistrados nun ficheiro de titularidade da Xunta de Galicia, cuxa finalidade é a xestión e rexistro deste procedemento. A persoa interesada poderá exercer os dereitos de acceso, rectificación, cancelación e oposición ante a Axencia para a Modernización Tecnolóxica de Galicia, como responsable do ficheiro, solicitándoo mediante o envío dun correo electrónico a lopd@xunta.es.