Hai máis dunha web onde recoller boas ideas para emprender un negocio. Emprendedores.es é unha boa opción para buscar ideas de posibles negocios, ou para saber como xestionar a empresa que estades pensando en crear. Facemos un percorrido por algunhas das seccións máis importantes da web.
A portada
O primeiro que vos vai chamar a atención é un slider coas últimas reportaxes e novas publicadas. Podedes navegar na web a través do menú principal (a continuación faremos clic nalgunhas das páxinas) ou a través doutro menú que nos leva directamente ás últimas reportaxes, á información contida na web e separada por sectores de actividade, e a información útil que pode axudarnos, por exemplo, a crear unha tenda en liña.
Se facemos scroll atoparemos novas, a axenda do emprendedor cargada de eventos de interese, e a información máis relevante das distintas seccións da páxina.
Ideas
Moitos de vós aborrecedes a palabra emprender. Non é tan doado como parece. Pero decididos a facelo, aquí podemos ler reportaxes, por exemplo, sobre consumo colaborativo ou outra que chama a atención sobre o dato de que só o 6% das empresas que creamos en España fabrican algo. Seguro que sabedes fabricar algo ao que non lle sacades rendemento económico.
Crea a túa empresa
O primerio título que nos atopamos é “Aprende a emprender”; unha guía para escoller a formación necesaria para crear unha empresa, ou formación adaptada ás necesidades de cada emprendedor. Ademais podemos acceder á axenda do emprendedor na que atopar información, por exemplo, da Tetuan Valley Startup School: encontro no que o obxectivo é impulsar ideas tecnolóxicas innovadoras e darlles a oportunidade de convertirse en realidade.
Market Place
Por se non o sabiades, un market place é un punto de encontro na rede para vendedores e compradores; un terceiro ofrece un entorno seguro na rede para realizar a transacción comercial. Emprendedores.es ofréceche a posibilidade de que o teu negocio teña un espazo na súa web; hai empresas de asesoría online, consultoría, tecnoloxía e internet, etc.