Cantas veces quedámonos sen batería no noso teléfono móbil nun momento importante? A tecnoloxía dos nosos dispositivos evolucionou moito nos últimos anos salvo un compoñente, as baterías.
Desde que se deixaron atrás aquelas baterías de níquel e cadmio (as que se viciaban e había que deixalas descargar para que non o fixesen), esta parte do teléfono móbil non evolucionou demasiado. E é que aínda que temos baterías de litio con máis capacidade, os dispositivos que usamos utilizan cada vez máis e máis a enerxía coa consecuente diminución da súa duración.
Que facer para que nos dure máis a batería do noso teléfono? Hoxe dámosvos uns cuantos consellos para levar a vida da vosa batería á maior cantidade de ciclos posibles:
Mantén o teu software actualizado
Ter aplicacións desactualizadas ou o sistema operativo en versións anteriores pode causar que a batería dure menos. E é que os desarrolladores esfórzanse por aproveitar ao máximo a batería, pero en ocasións é todo o contrario e podémonos atopar con aplicacións que utilizan demasiado a enerxía do noso dispositivo.
Evita temperaturas extremas
Deixar o teléfono ao sol non é unha boa idea. As baterías teñen elementos químicos que poden chegar a incharse (e mesmo explotar) se se quentan demasiado. É mellor afastar o noso teléfono de calquera fonte de calor.
Media carga se non se vai a usar
Se imos gardar o dispositivo durante un tempo prolongado, o máis recomendable é deixar a batería a media cara. Desta maneira evitamos que se descargue e perda ciclos de vida.
Axusta os parámetros da pantalla
O brillo da pantalla adoita ser unha fonte de gasto de batería. Non fai falta telo sempre ao máximo, polo que é recomendable modificalo ou, se temos un móbil de hai uns meses, activar a opción de que se cambie automaticamente segundo a luz ambiental.
Utiliza os modos baixo consumo
As últimas versións de iOS e Android incorporan os modos “aforro de batería” ou “modo baixo consumo”. É recomendable activalos sempre que queiramos aproveitar a vida ao máximo, xa que desactivan moitas opcións para que o teléfono gaste a menos batería posible.