Cando imos comprar un televisor, en moitas ocasións temos a dúbida de se comprar un Smart TV con funcións de conectividade ou non. Se preguntas ao vendedor, seguro que nos di que a Smart TV é o mellor, pero o certo é que na maioría de ocasións non compensa a diferenza de prezo.
Por que non compensa? Pois porque tan só tendo unha entrada HDMI (a que se usan para o reprodutores DVD) podemos darlle ao noso televisor funciones de Smart TV. Como? Cuns pequenos gadgets. Hoxe ensinámosvos tres opcións e como funcionan.
Chromecast
É o gadget por excelencia. De parte de Google chéganos este pequeno gadget que se conecta ao porto HDMI e co que podemos enviar calquera tipo de contido ao noso televisor e, ademais, ter certas aplicacións nel.
Chromecast vale 39€ a súa versión básica, e é compatible con servizos como Netflix, HBO ou YouTube. E ademais permítenos, desde Google Chrome, enviar calquera pestana do navegador que esteamos a ver nese momento.
VicTsing HDMI Wi-Fi
Competidor co Chromecast por prezo, o VicTsing ten como principal característica a súa flexiblidade: é compatible cos principais sistemas de streaming que existen no mercado: Airplay (Apple), Miracast (formato aberto) e DLNA, o cal nos permite (este último) conectarnos con dispositivos que estean en nosa mesma rede (LAN ou Wifi). Vale 19,99€ en Amazon.
EzCast M2
Cun deseño parecido ao dun pendirve, EzCast é lixeiramente máis caro que os dous anteriores, pero á parte de ser compatible con varios sistemas de streaming (Miracast e AirPlay entre eles), ten a característica de que non necesita conectarse a unha rede Wifi para funcionar, se non que pode realizar unha conexión directa co noso smartphone ou computador e realizar o envío de contido. Está por 31€ en Amazon.