As investigacións en nanotecnoloxía permiten crear materiais con propiedades antiadherentes. Se te fixas na pantalla do teu smartphone, cada vez é máis difícil que queden as pegadas dos teus dedos, e iso débese a un recubrimento oleofóbico, isto é, que repele calquera tipo de aceite.
Outra propiedade antiadherente serve para dotar de capacidade de repulsión a todos o líquidos a certos materiais. Non é nada novo; na natureza, as telas de araña, as plumas das aves ou mesmo moitas verduras como as verzas desenvolven de forma natural un recubrimento hidrofóbico.
O reto tecnolóxico consiste en levar este antiadherente a calquera produto. Son varias as empresas que comercializan xa un produto similar, e mesmo algunhas cidades están empregando unha pintura especial hidrofóbica para impedir que os líquidos se fixen nas paredes.
Que usos se lle poden dar a esta tecnoloxía hidrofóbica?
O primeiro uso que se nos ocorre é na roupa…. botas que non se mollan? Sería un gran invento, non? Pois xa existe un spray que permite dotar á roupa destas características
Pensa agora nunha cidade en festas… quizais se resides no casco vello da túa vila ou cidade comprendas de que estamos a falar. Este tipo de pintura podería repeler as mexadas nas paredes. Caro, pero efectivo.
Uso artístico desta tecnoloxía
O lecer e maila arte non son alleos a este tecnoloxía. Un uso alternativo a este material consiste en darlle unha segunda vida ás rúas molladas pola chuvia, por exemplo.
E ti, que farías se puideses empregar este líquido?