Cando necesitamos presentar un proxecto ou unha páxina web, a imaxe é moi importante, desde a maneira de presentalo como os gráficos e logotipos asociados. Tamén o é o tipo de letra que utilizamos nos nosos textos e presentacións, xa que depende que tipo de letra utilicemos, podemos transmitir un tipo de imaxe ou outra.
Na actualidade hai millóns de tipos de letra, de todas as formas, cores e estilos que podamos imaxinar. Por esta razón, na maioría de ocasións adoitamos optar pola fonte máis cómoda ou habitual no canto de arriscarnos a utilizar outra que faga que o noso traballo destaque. Para axudarnos a escoller outros tipos de fontes existe Fontfit.
Fontfit é unha páxina web que nos permite abrir calquera páxina web e cambiarlle en directo o tipo de fonte que se está utilizando. Faise dunha maneira sinxela, tan só temos que ir á súa web, teclear a dirección web que desexemos e comezar a seleccionar os campos de textos existentes e cambiar o seu tipo de letra.
Aínda que a ferramenta está deseñada para páxinas web, é tamén unha ferramenta moi útil á hora de descubrir novos tipos de fontes de letra, xa que ten unha enorme colección de tipos de letra entre as que escoller. Ademais, Fontfit permítenos exportar as opcións que cambiamos, así como compartir mediante ligazón o cambio realizado para poder ensinalo a quen desexe.