Cando queremos promocionar o noso negocio ou proxecto, as redes sociais son un gran escaparate para posibles clientes ou público obxectivo ao que pode interesarlle o que fagamos.
A pesar de ser unha rede social de fotografía, Instagram é un sitio ao que podemos sacarlle moito partido se queremos promocionar as nosas ideas ou negocio. Ao ser unha rede social tan específica, é recomendable seguir unhas certas directrices e hoxe querémosvos apuntar tres trucos para mellorar a conta de Instagram.
Transforma a túa conta nunha de empresa
Desde hai uns meses Instagram permite ter páxinas de empresa no canto de perfís de empresa. Cambiar o noso perfil por un de empresa proporcionaranos estatísticas de evolución, información sobre seguidores e saber cales son as publicacións máis destacadas da nosa conta. Para activalo tan só temos que vincular a nosa conta de Instagram coa de Facebook e logo, desde a configuración, ir á opción de “Cambiar a conta de empresa”.
Publicar imaxes desde o computador
En teoría, Instagram só permite publicar a través da app do teléfono móbil, pero desde que introduciron a posibilidade de ver os perfís a través da web, é posible enganar ao sistema e subir fotos directamente desde o computador. Para facelo existe unha extensión de Google Chrome que nos permite subir as fotos dunha maneira moi sinxela.
Programar imaxes
Programar contido é unha estratexia moi útil se queremos mellorar o noso perfil. Hai ferramentas de xestión de contas sociais que permiten facelo pero sempre requiren que teñamos que aceptar desde o teléfono a aplicación. Pero hai unha solución: SocialGest permite de maneira gratuíta programar publicacións.