A semana pasada entregábanse o primeiro e o segundo premio aos gañadores do concurso ‘Curtas co móbil da Axenda Dixital de Galicia 2020’ aos alumnos do IES Perdouro de Burela e do IES Cacheiras do Concello de Teo, respectivamente.
Os premios foron unha tablet e un teclado para cada un dos tres alumnos responsables do vídeo máis votado, e unha tablet para cada un dos cinco rapaces que participaron no segundo vídeo máis votado. A votación estivo aberta durante 10 días na páxina de Facebook da Amtega.
Lembrade que o obxectivo era crear un vídeo no que representar o futuro de Galicia a través das novas tecnoloxías.
Os vídeos gañadores
“Cousas de antes” do IES Perdouro de Burela, recolle unha conversa entre unha avoa e o seu neto no ano 2050 na que comparan a realidade tecnolóxica da época na que viven coa do ano 2014.
“Revivamos Galicia” amosa pola súa parte como podemos desfrutar de Galicia dun xeito diferente a través das novas tecnoloxías.
Ao concurso presentáronse 44 curtas de 16 centros. Podedes ver todos os vídeos presentados na páxina de Facebook da Amtega, na aplicación CurtasADG2020.