Cando falamos de creadores audiovisuais é habitual pensar en directores de cinema ou guionistas que levaron as súas obras a algún gran formato adaptado ao gran público. Pero con Internet o termo de creador audiovisual expandiuse, describindo tamén aos famosos youtubers, que crean e producen vídeos case a diario para goce dos seus seguidores.
Aínda que o termo “youtuber” refírese unicamente á plataforma de Google, na actualidade hai moitas máis plataformas que ofrecen un espazo para que os creadores audiovisuais colguen os seus traballos e sexan apreciados pola comunidade. Hoxe deixámosvos 3 alternativas a YouTube onde se poden atopar este tipo de contidos.
Twitch
Aínda que a plataforma de Amazon está orientada ao streaming de videoxogos, nos últimos meses viviuse un traslado de creadores que levaron o seu contido á plataforma. A maioría deste contido está relacionado co mundo dos videoxogos, pero á parte de xente xogando, podémonos atopar coloquios, entrevistas e mesmo series relacionadas con este mundo.
Playz
Esta plataforma está apoiada por RTVE e nela podemos atopar numerosos autores coñecidos pr as súas obras audiovisuais Como característica principal, os contidos que atopamos en Playz están máis orientados á ficción que ao contido casual que teñen outras plataformas.
Flooxer
Flooxer é a plataforma de Atresmedia (Antena 3 e laSexta) que busca ser o refuxio dos youtubers que se cansaron da plataforma de Google. Os contidos que podemos atoparnos van desde os vídeos máis improvisados, pasando por ficción ou vídeos temáticos de boa calidade.