Velaquí unha boa nova para os pais! A Federación de Librarías de Galicia puxo en marcha, en colaboración coa Xunta de Galicia, unha web optimizada para teléfonos móbiles para a reserva de libros de texto para o curso escolar 2016-2017 en calquera das librarías asociadas en toda Galicia.
A través de www.librarías.org/reservadelibros os pais poderán formalizar a reserva dos libros de texto dos seus fillos, sen necesidade de acudir á libraría.
Como funciona?
Os interesados deben acceder a librarias.org/reservadelibros e cumprimenta os datos persoais, así como os relativos ao colexio e ao curso do alumno.
Para facilitar a inclusión do listado de libros de texto, incorporouse unha funcionalidade a través da cal o usuario pode fotografar o listado, ou anexar un arquivo.
A reserva dos libros de texto está dispoñible para todos os ciclos de Educación Infantil, Primaria, Especial e Secundaria Obrigatoria dos colexios da Comunidade galega. Deste xeito, as familias poderán reservar os libros para o próximo curso sen necesidade de acudir fisicamente ao establecemento.
A solicitude remítese de forma automática á libraría a través dun correo electrónico, e as librerías poderán enviar notificacións aos clientes con confirmacións de dispoñibilidade de pedidos, por exemplo.
A recollida de libros si que é presencial, na libraría, salvo que se acorde coa mesma o envío ao domicilio.
Reserva os libros on-line e gaña un premio
Que che parece se, ademais de reservar os libros de maneira máis cómoda, podes gañar un premio?
O 30 de setembro sortearanse 100 estancias familiares na Ribeira Sacra durante o curso 2016-2017 entre as familias que realicen a reserva dos libros a través desta nova aplicación. Consulta aquí as bases do concurso.
Xa non tes escusa. Se tes cativos en idade escolar, reserva xa os seus libros sen moverte da casa.