Día 5 – Xogamos en familia ao tabú 2

Ola familia! Xa practicastes moito o tabú cos cinco centros de onte?

Para que sigades a xogar todos xuntos tamén hoxe,  traemos os tabús dos outros cinco centros que participan nos 21 días co galego e máis 2024  e que tamén crearon vídeos do xogo do tabú realizados para vós con moito cariño. Son o CEIP de Nadela de Lugo, o CEIP García Barbón de Vigo, o CEIP López Ferreiro de Santiago de Compostela, o CEIP Pintor Laxeiro de Vigo e o CEIP Ponte dos Brozos de Arteixo.

Esperamos que vos gusten coma os de onte, que xoguedes moito todos xuntos e que acertedes moitas palabras.

E se vós tamén queredes facer vídeos do tabú para compartilos e que xoguen outras familias, facédenolos chegar ao enderezo de correo 21diascogalegoemais@gmail.com e compartirémolos nas nosas contas para que poidan chegar a moitos nenos que xogarán en galego.

(preme na imaxe para acceder á listaxe de vídeos do xogo do tabú)