Presentación

21 días co galego e + é un programa promovido pola Consellería de Cultura, Lingua e Xuventude, a través da Secretaría Xeral da Lingua, que ten como finalidade promover o uso do galego oral entre a xente nova, dentro e fóra dos centros de ensino, no marco do Plan de dinamización da lingua galega na mocidade.

Esta iniciativa de dinamización lingüística nace para que o alumnado fale máis o galego e perfeccione o seu uso dentro e fóra das aulas e que, alén diso, analice a súa relación coas linguas que coñece, e máis concretamente coa nosa, para ver cal é o lugar que ocupa ou pode ocupar na súa vida.

O programa ten chegado a alumnado de infantil, primaria, ESO, bacharelato e FP, con idades comprendidas entre os 3 e os 18 anos, que se comprometeu co seu profesorado a falar soamente en galego as 24 horas do día durante as 21 días que dura o programa dentro e fóra do centro de ensino dentro das súas posibilidades por idade.

Xorde co ánimo de compartir a ilusión por conservar, recuperar e crear falantes que vivan o galego como unha lingua a medrar chea de posibilidades. A súa singularidade reside na vontade de implicar os rapazas e rapaces durante un tempo determinado en todas as facetas da súa vida, na procura de que o galego sexa lingua normal de uso en todos os ámbitos, e en levar a aula á rúa e a rúa á aula, fuxindo do estudo máis académico da lingua.

Este programa ten a súa orixe en 21 días co galego, unha experiencia didáctica que botou a andar no IES da Pobra do Caramiñal no ano 2013, da man da profesora Pilar Ponte; desde entón, desenvolvéronse catro edicións máis dese proxecto no mesmo centro.

En 2015 recibiu un premio de innovación en dinamización lingüística da  Secretaría Xeral de Política Lingüística e no ano 2018 recibiu o primeiro acto de recoñecemento a unha actividade educativa por parte da Real Academia Galega. No ano 2019 recibiu o X Premio da Lingua Rosalía de Castro da Deputación da Coruña e o Premio da Cultura Galega de Lingua.

Ano a ano medra tanto o número de centros como o de participantes, que xa superan os 30.000, na procura de manter e espallar o galego entre a infancia e a mocidade galegas.

1ª edición 2019 (4 centros educativos con 1.411 participantes)

En 2019 a SXPL quixo dar un paso máis con esta experiencia e exportou a iniciativa a outros centros educativos. Para isto puxo en marcha, de forma experimental mais con intención de lle dar continuidade, o programa 21 días co galego e + en catro institutos galegos, un en cada provincia:

  • IES Antón Alonso Ríos (Tomiño)

  • IES Francisco Daviña Rey (Monforte de Lemos)

  • IES Otero Pedrayo (Ourense)

  • IES Pontepedriña (Santiago de Compostela)

2ª edición 2020 (10 centros educativos con 4.242 participantes)

En 2020, o programa segue medrando para chegar a 10 centros educativos de toda Galicia:

  • CPR Fogar de Santa Margarida (A Coruña)

  • IES Afonso X O Sabio (Cambre)

  • IES Antón Alonso Ríos (Tomiño)

  • IES Ánxel Fole (Lugo)

  • IES Arcebispo Xelmírez I (Santiago de Compostela)

  • IES As Lagoas (Ourense)

  • IES de Poio (Poio, Pontevedra)

  • IES de Vilalonga (Sanxenxo, Pontevedra)

  • IES Eduardo Blanco Amor (Ourense)

  • IES Illa de Ons (Bueu)

3ª edición 2021 (10 centros educativos con 3.738 participantes)

En 2021, malia a pandemia, mantívose o programa con 10 novos centros:

  • CPR Plurilingüe María Inmaculada (Lugo)

  • IES As Mariñas (Betanzos)

  • IES de Carral (Carral)

  • IES Lamas de Abade (Santiago de Compostela)

  • IES Lauro Olmo (O Barco de Valdeorras)

  • IES Perdouro (Burela)

  • IES Ramón Cabanillas (Cambados)

  • IES Sánchez Cantón (Pontevedra)

  • IES Santa Irene (Vigo)

  • IES Taboada Chivite (Verín)

4ª edición 2022 (12 centros con 3.845 participantes)

En 2022 o programa amplíase ata os 12 centros:

  • CPI Alcalde Xosé Pichel (Coristanco)

  • CPI de Atios (Valdoviño)

  • CPI Manuel Suárez Marquier (O Rosal)

  • CPI Virxe da Saleta (Cea)

  • CPR Plurilingüe Concepción Arenal (Ourense)

  • CPR Plurilingüe Esclavas Sagrado Corazón de Jesús (A Coruña)

  • IES David Buján (Cambre)

  • IES Lucus Augusti (Lugo)

  • IES de Barro (Barro)

  • IES de Meaño (Meaño)

  • IES Monte Castelo (Burela)

  • IES Valadares (Vigo)

5ª edición 2023 (12 centros con 4.564 participantes)

En 2023 mantense o número de 12 centros e consólidase a participación en primaria, secundaria e bacharelato. Os participantes son:

  • CPI Plurilingüe Alfonso VII (Caldas de Reis)

  • CPI Plurilingüe Arquitecto Palacios (Nigrán)

  • CPI Virxe da Cela (Monfero)

  • CPR Divino Maestro (Santiago de Compostela)

  • CPR Sagrado Corazón (Ribadeo)

  • IES A Basella (Vilanova de Arousa)

  • IES Rafael Dieste, A Coruña)

  • IES de Melide (Melide)

  • IES María Sarmiento (Viveiro)

  • IES Número 1 (O Carballiño)

6ª edición 2024 (4.587 participantes)

En 2024 modifícase o programa para centrarse nunha edición dirixida a dez centros educativos públicos de primaria con participación tamén de alumnado de educación infantil na edición con maior número de participantes ata o momento.

  • CEIP Ponte dos Brozos (Arteixo)

  • CEIP de Prácticas López Ferreiro (Santiago de Compostela)

  • CEIP Plurilingüe da Ramallosa (Teo)

  • CEIP Plurilingüe de Nadela (Lugo)

  • CEIP Frei Luís de Granada (Sarria)

  • CEIP O Couto (Ourense)

  • CEIP Ramón Otero Pedrayo (O Barco de Valdeorras)

  • CEP Campolongo (Pontevedra)

  • CEIP Plurilingüe García Barbón (Vigo)

  • CEIP Plurilingüe Pintor Laxeiro (Vigo)

7ª edición 2025 (4.012 participantes)

En 2025 o programa diríxese por segunda vez a dez colexios de educación infantil e primaria. Increméntase a dotación do programa coa inclusión de tres actividades en directo para cada un dos centros participantes: un obradoiro de regueifa, unha sesión de contacontos e un concerto.

  • CEIP Albeiros (Lugo)

  • CEIP Emilio González López (Cambre)

  • CEIP Francisco Vales Villamarín (Betanzos)

  • CEIP Illa Verde (Lugo)

  • CEIP Manuel Cordo Boullosa (Ponte Caldelas)

  • CEIP Manuel Respino (A Rúa)

  • CEIP Plurilingüe de Sequelo (Marín)

  • CEIP Plurilingüe do Carballal (Marín)

  • CEIP Plurilingüe Julio Gurriarán Canalejas (O Barco de Valdeorras)

  • CPR Plurilingüe La Grande Obra de Atocha (A Coruña)

 

8ª edición 2026 (3.700 participantes)

En 2026 o programa diríxese por terceira vez a dez colexios de educación infantil e primaria. Mantense a dotación do programa dde tres actividades en directo para cada un dos centros participantes: un obradoiro de regueifa, unha sesión de contacontos e un concerto.

  • CEIP A Ponte (Lugo)

  • CEIP A Ponte de Ourense

  • CEIP Álvarez Limeses (Pontevedra)

  • CEIP Plurilingüe Anxo da Garda (A Coruña)

  • CEIP Plurilingüe Benigno Quiroga Ballesteros (Lugo)

  • CEIP Plurilingüe Irmáns Villar (Ourense)

  • CEIP Plurilingüe Isidro Parga Pondal (Oleiros)

  • CEIP Plurilingüe Os Tilos (Teo)

  • CEIP Plurilingüe Ría de Vigo (Oia)

  • CPR Plurilingüe Amor de Dios (Vigo)

Número de participantes total ao longo das 8 edicións: 30.099