Actividades nos centros: Os alumnos/as do Colexio dos Escolapios de Monforte farán un itinerario didáctico pola Ribeira Sacra

O día 23 de maio tócalles aos alumnos e alumnas de 3º de Infantil do Colexio dos Escolapios de Monforte de Lemos facer o seu itinerario didáctico pola Ribeira Sacra. Mar Bóveda López, especialista en didáctica do patrimonio, preparou para eles, que xa fixeron a súa propia vendimia, un percorrido onde lles contará como dende hai moito tempo as xentes que viven nas ribeira do Sil e do Miño adaptaron o territorio ás súas necesidades para cultivar as vides e producir viño.

O itinerario didáctico inclúe tamen a visita ao Ecomuseo de Arxeriz situado nun pazo do século XVII. Para saber máis do Ecomuseo podedes visitar as súas webs: www.ecomuseodearxeriz.org e www.sotodefion.org