Deficiencias en el Camino de Inverno

El alumnado de la ESA del módulo III reflexionó sobre las deficiencias que se advierten en diferentes zonas por las que pasa el Camino de Invierno y realizó propuestas al Ayuntamiento correspondiente con el fin de que se solucionen. Veamos algunos ejemplos:

Chantada é unha vila que conta con zonas moi fermosas e con infraestruturas moi boas, pero hai algúns aspectos que deberían mellorarse.
O que máis me agrada da localidade son os parques infantís e o paseo do río. O que máis me desagrada son as beirarrúas e algunhas estradas que están en moi mal estado.
Unha vila como Chantada debería contar con infraestruturas como un cine e un parque na Avenida de Monforte para o ocio dos seus habitantes. E tamén un polígono con máis industrias para mellorar a situación laboral da poboación.
En definitiva, a nosa vila ten realidades moi fermosas, pero outras deben ser renovadas para unha mellor calidade de vida dos seus habitantes. Espero que estas ideas lles sirvan a vostedes, membros do concello, e que sigan a arranxar eses estragos mencionados.

María Cristina González Varela.

Estimado Concello de Chantada:

Son veciño desta vila e gustaríame presentar a miña idea dalgúns pequenos proxectos.
Gústame moito como funciona a brigada de parques e xardíns e este ano conseguíronse de novo as catro flores de Vilas en Flor.
O primeiro proxecto sería axardinar as entradas da vila, rotondas, beirarrúas e outros.
O segundo proxecto: arranxar as beirarrúas da avenida de Lugo e rematalas na medida do posible.
O terceiro proxecto: intentar facer novos estacionamentos, xa que se pode mellorar moito o tráfico para ter unha cidade ideal e facilitar o tráfico.
Só espero que poñan en práctica as miñas ideas.

Reciba un cordial saúdo,
José Luis Diéguez.

Queridos concelleiros:

Chámome Elena Novoa Rodríguez e, xa que están pedindo a opinión da veciñanza, gustaríame darlles a miña. Aínda que Chantada é unha vila moi fermosa, eu véxolle algún defectiño.
Empezaría por dicirlles que en primeiro lugar creo que a primeira planta do concello debería ser accesible a todos os veciños ou a vostedes parécelles que unha persoa de mobilidade reducida pode ir ao primeiro andar?
Outro aspecto que ten moita necesidade é que poñan vostedes beirarrúas para que as persoas en cadeiras de rodas poidan moverse pola vila, pois hai zonas nas que lles é imposible poder moverse. Entón, penso que deberían empatizar coa xente que ten ese tipo de problemas.

Sen máis, reciban un cordial saúdo,
Elena Novoa Rodríguez.

Estimados concelleiros:

Escríbolles esta carta para achegar a miña opinión sobre as melloras que poderían facer máis bonita a nosa localidade.
Chámome Catia Ramos e vivo na avenida de Portugal en Chantada.
A nosa vila é un bo lugar para vivir, é bonito, tranquilo e cómodo, mais ten que mellorar algunhas condicións.
En primeiro lugar: deberían acondicionar un espazo amplo para o aparcadoiro dos coches, e non deixar aparcar en calquera sitio, como ocorre agora.
En segundo lugar: gustaríame que habilitaran unha infraestrutura para os nenos, que poidan xogar e reunirse cos amigos, sen pasar frío na rúa e máis no inverno.
Por último: arranxar e limpar os espazos públicos máis a miúdo, temos un bonito paseo que ten que estar mellor presentado.
Moitas grazas pola súa atención.

Reciban un cordial saúdo,
Catia Ramos.