Seguro que non lembrades todos os servizos web nos que vos rexistrastes. E ás veces custa lembrar os contrasinais para os que non usamos moi a miúdo. Coñecedes os xestores de contrasinais? Antes de usalos adicade 5 minutos a ler opinións de usuarios e asegurádevos de que usades un servizo seguro.
LastPass
É un servizo de xestión de contrasinais multiplataforma que ademais está dispoñible como complemento para navegadores como Google Ghrome ou Firefox. Para usalo só temos que lembrar un contrasinal co que abrir a aplicación e acceder ao resto. A versión gratuíta sérvenos para o ordenador. Para o móbil temos que pagar 1$ ao mes.
1Password
Dispoñible para varias plataformas, permítenos administrar todos os nosos contrasinais dende un mesmo sitio. Funciona igual que LastPass, necesitamos un contrasinal para acceder a todas as nosas claves de acceso. A política de prezos é diferente; podedes botarlle un ollo nesta ligazón.
KeePassX
KeePassX é un xestor de contrasinais multiplataforma open source. Xera arquivos cifrados cos nosos contrasinais que podemos gardar nunha carpeta compartida ou enviar por correo se o necesitamos. Podedes conseguilo dende a súa páxina de descargas.
Fonte: hipertextual.com.