Aínda que as redes sociais son actualmente noso día a día, en moitas ocasións sentimos a necesidade de desaparecer delas, xa sexa por necesidade ou porque realmente sentimos que non queremos pertencer a elas nunca máis. Pero aínda que o sintamos, a maior parte das veces non o facemos, xa sexa por preguiza ou porque a complicación que implica facelo, bótanos atrás.
No artigo de hoxe ímosvos a ensinar como borrar definitivamente (que non desactivar) nosas contas das principais redes sociais que existen.
Como borrar a nosa conta en Facebook
A rede social de Zuckerberg é desas que tenta por activa e por pasiva que non borres a túa conta. E é que cando accedes á páxina dedicada ao borrado, en primeira instancia o que facemos é desactivala, é dicir, deixala latente sen que ninguén poida acceder pero permanecendo os datos nos servidores de Facebook
Se queremos desactivar a nosa conta (deixando fotos e datos nos seus servidores polo si ou polo non), podémolo conseguir facendo click na esquina superior dereita do teu perfil, configuración e alí á pestana de seguridade. Ao final de todo temos a opción de desactivación.
Se queremos borrar definitivamente todos os nosos datos, temos que facer click nesta ligazón, a cal nos permitirá borrar o noso paso por Facebook de maneira permanente.
Como borrar a nosa conta de Twitter
O paxaro azul pono moi sinxelo se queremos borrar a nosa conta. Entra en Twitter vía web e facer click na túa foto de avatar arriba á dereita e escolle configuracion. Na sección de “Conta” abaixo de todo atoparémonos unha ligazón que di “Desactivar a miña conta”. Aí é onde debemos facer click para desaparecer de Twitter.
Desaparecer e non borrar? Non exactamente. Twitter ten unha política de que se fas click en desactivar, conserva a túa conta durante 30 días (por se te arrepintes), pero pasado este tempo a nosa conta e todos os nosos datos desaparecerán por completo.
Como borrar a nosa conta de Google
O gran irmán do buscador tamén permite borrar a nosa conta de maneira permanente. Tan só hai que ir á páxina principal da conta e en “Preferencias da conta” facer click en “Eliminar a túa conta ou determinados servizos”. Nesta sección teremos a opción de escoller eliminar por completo todo ou só algúns servizos.
Como borrar a nosa conta de Instagram
A rede social de fotografía compórtase da mesma maneira que Facebook: ofrece desactivar temporalmente a nosa conta no canto de borrala. Se queremos borrar todas as nosas fotografías, comentarios e datos, temos que ir á páxina de borrado de contas e seleccionar o motivo polo que queremos facelo.
Como borrar a nosa conta de Linkedln
Se queremos desaparecer da rede de buscar traballo temos que facelo en dous pasos. Primeiro hai que ir ás preferencias da conta e en “Privacidade e configuración”, na sección de subscricións está a opción pechar a túa conta. Para que se faga, temos que dar o motivo e logo introducir o noso contrasinal de novo para confirmar o borrado.