WhatSapp está a probar novas maneiras para que os seus usuarios póidanse expresar da mellor forma nos seus chats. Se na súa última actualizacióm permitiunos poder enviar mensaxes de voz sen a necesidade de estar a pulsar a pantalla todo o tempo, a próxima actualización é máis gráfica: WhatsApp terá stickers incorporados.
Que son stickers? A súa tradución do inglés é adhesivos, e non son máis que imaxes que simulan ser os emoticonos ou emojis pero ampliando o seu tamaño e o seu aspecto gráfico, sendo este moito máis coidado e atractivo de fronte ao usuario.
Os stickers, ou adhesivos, xa están incorporados noutros sistemas de mensaxería como iMessage, Facebook Messenger ou Telegram, pero ata agora WhatsApp deixara de lado esta opción de personalización das mensaxes. Por que agora os vai a ter? Pola liberdade que dan.
Liberdade? WhatsApp pertence a Facebook e a compañía de Zuckerberg sempre tentou, como calquera outra empresa, facer as cousas á súa maneira e, no tema dos emoji ou emoticonos, non pode xa que están controlados por Unicode, fundación que vela pola correcta utilización da codificación dos textos no mundo da informática.
Cos emoji WhatsApp non pode facer máis que incluír o que di Unicode, pero ao introducir os adhesivos ten total liberdade, podendo facer imaxes temáticas ou publicitarias mesmamente. Afectaranos en algo a nós? Si e non. Se nos gusta utilizalas, poderemos facelo na actualización que sairá nunhas semanas, pero se non somos amigos de complicar os nosos chats con miles de mensaxes, poderemos seguir utilizando os emoji de toda a vida.