Verán significa vacacións e tempo libre, sobre todo se pensamos nos máis pequenos da casa que teñen ata dous meses para gozar do verán. Se son amantes da tecnoloxía, o Colexio Profesional de Enxeñaría de Informática de Galicia ( CPEIG) e a Axencia ola Modernización Tecnolóxica de Galicia (Amtega) prepararon un total de 30 xornadas centradas na tecnoloxía dirixidas aos mozos e mozas.
Comezando a finais de xullo e chegando ata setembro, o CPEIG e a Amtega celebrarán ata 30 xornadas sobre diferentes temas: robótica, pilotaxe de drons e creación de personaxes de videoxogos. Estas xornadas están enmarcadas dentro do programa “ Tech Kids” e celebraranse durante o verán nas Aulas CeMIT de concellos das catro provincias galegas.
Nestes talleres, os participantes terán que superar retos e desafíos, os cales lles farán poñerse a proba á vez que aprenden con tecnoloxía que poden tocar e ver como funciona cos seus propios ollos. Ademais, nestas xornadas tamén se porá o ollo no talento dixital feminino, mostrando ás mozas que vexan a enxeñería e os computadores como algo que é tan accesible como calquera outro área de coñecemento.
Así serán os diferentes temas que se poderán gozar nestas xornadas estivais:
- Desafíos en programación e electrónica: estas xornadas céntranse na programación de robots e programación de linguaxes de programación como
- Piloto de drons: destinado a mozos entre 8 e 16 anos, estas xornadas irán destinadas a coñecer como funciona un dron e, por suposto, pilotar un destes trebellos voadores tan en auxe.
- Deseño e modelado 3D: estas xornadas virarán en torno ao deseño de personaxes grazas a programas de modelado 3D. As xornadas abarcarán todas as etapas do deseño dun personaxe de videoxogo, desde a arte inicial, pasando polo modelado intermedio ata finalizar coa finalización do concepto e personalidade do personaxe.