Existen páxinas web como a da Organización de Consumidores e Usuarios, a OCU, nas que recoller consellos interesantes antes de ir de rebaixas aos centros comerciais ou ás tendas online. Podemos mercar nas páxinas oficiais das marcas ou en páxinas especializadas en moda, tecnoloxía… A vantaxe neste caso é a posibilidade de comparar prezos entre unhas e outras.
Más alá das tendas online, existen páxinas web e foros especializados nos que podemos informarnos e incluso chatear con outros usuarios antes de engadir ningún produto ao carriño.
Pero xa sabedes que en Xente Dixital sentimos debilidade polas aplicacións móbiles. Presentámosvos algunhas apps que vos van axudar nas primeiras rebaixas do ano.
Discount Free
Aplicación moi sinxela e perfecta para calcular o desconto dos produtos: introducimos o prezo e a porcentaxe de desconto e dinos o prezo final e os cartos que aforramos.
Busca ofertas
Aplicación para buscar ofertas e comparar prezos entre milleiros de tendas. Podemos buscar por nome ou ler o código de barras co noso smartphone para chegar á oferta que máis nos interese. Incluso podemos crear alertas que nos indiquen que o prezo dun produto baixou ata a cantidade que estamos dispostos a pagar.
Supermoda
Cando pensamos nas rebaixas pensamos, sobre todo, en renovar o contido do noso armario. Esta app permite buscar e comparar entre a oferta das marcas máis populares. Podemos buscar por tenda ou a través do comparador, filtrando por xénero e por categoría de produto. Ademais podemos acceder á páxina da tenda para mercar o artigo no que estamos interesados.