Foto Infocux Technologies
A Escola de Negocios Foro Economía Dixital (FED) presentou o estudo “Ecommerce 2015: informe de evolución e perspectiva”. O informe parte dunha enquisa realizada utilizando o panel de mostra do Observatorio de Foro de Economía Dixital de máis de 4.500 tendas en liña.
Unha das primeiras conclusións é que máis do 80% dos eCommerce espera medrar durante este ano. Por outra banda, o 56% dos enquisados quere aumentar a súa presenza internacional; o 19% pretende vender en 3 ou máis países e o 25% nun ou en máis países.
Das 4.500 tendas, case o 60% quere incorporar novas vías de negocio e o 41% prefire continuar da mesma maneira. Que evolución das ventas se espera para este ano?
Métodos de pagamento
A maioría usamos as tarxetas de crédito (88%). Aínda que a enquisa di que a metade dos compradores online prefiren PayPal como método de pago por seguridade e fiabilidade.
Cómpre destacar que máis da metade dos eCommerce conta con tenda física e que case un tercio non dispón de ningún punto de recollida. E que no 2014 aumentou a recollida en tenda física (55% fronte ao 35% do ano 2013).
Tendencias
A web móbil máis que unha tendencia é unha obriga; dispoñen dela o 58% das tendas. Si que son tendencias as vendas multicanal ou o showrooming (observar na tenda física para mercar online).
Sorprenderavos saber que as pemes dominan o sector do eCommerce. O colectivo que factura menos de 100.000€ é o máis numeroso e representa o 47% dos negocios online. O que factura máis dun millón representa o 22%.
Fonte: Osimga.