digitalsocial.eu
Nas últimas semanas estamos a falarvos de CeMIT-Innova, proxecto que busca a implantación en Galicia da innovación social dixital como soporte da Rede CeMIT. A iniciativa está impulsada pola Amtega en colaboración con Fundetec.
Cando falamos de innovación social dixital falamos de proxectos que teñen as TIC como base e que buscan resolver retos locais ligados á educación, a saúde, o emprego, etc.
Xa se seleccionaron as 10 aulas CeMIT que participarán en CeMIT-Innova e, nos próximos meses, desenvolveranse, por exemplo, unha iniciativa para mellorar a empleabilidade, unha plataforma de intercambio cultural de emigrantes ou propostas para promoción turística.
Creando un ecosistema de innovación social dixital para Europa
digitalsocial.eu
A principios deste ano publicábase o primeiro informe da Comisión Europea sobre a creación dun ecosistema de innovación social dixital para Europa. Destaca o traballo que se está a facer no Reino Unido onde se desenvolven 500 proxectos aprox.; España é cuarta no ranking con 155 proxectos.
Entre os proxectos españois está, por exemplo, goteo.org, unha “rede social de financiamento colectivo e colaboración distribuída (servizos, infraestruturas, microtareas, etc.) dende a que impulsar o desenvolvemento autónomo de iniciativas de carácter social, cultural, científico, educativo, etc.”. A idea é xerar novas oportunidades para a mellora constante da sociedade e o enriquecemento dos bens e recursos comúns.
Podedes achegarvos ao mapa do ecosistema europeo da DSI (innovación social dixital) na web digitalsocial.eu.