O próximo 25 de maio entra en vigor o novo Regulamento de Protección de Datos Europeo, máis coñecido como GDPR/ RGPD. Este novo regulamento obriga a todas as empresas e institucións a tomar medidas de seguridade e coordinación adicionais se manexan datos persoais de persoas que residen na Unión Europea.
A Xunta de Galicia, como institución pública, tamén ten que adaptarse a este novo regulamento e así o vai a facer. A semana pasada publicouse no DOG todas as medidas que se van a seguir para cumprir este regulamento realizado a nivel europeo. Podes ver a resolución nesta ligazón, pero resumímoschas aquí:
Delegado de Protección de Datos
O novo regulamento recolle a existencia dun Delegado de Protección de Datos (DPO), o cal é o encargado de velar polos datos que a entidade almacena, así como de asegurarse que todos os procesos recolleitos na lei cúmprense e son adecuados.
A Xunta de Galicia implantará esta figura do Delegado de Protección de Datos en cada consellería, ademais dun delegado adicional na Amtega, o cal asumirá os labores de coordinación entre todos os delegados das diferentes consellerías.
CSIRT. gal
A Xunta de Galicia cumpriu un dos obxectivos previstos para este ano: a consolidación do Centro de Resposta ante Incidentes de Seguridade. Este centro intégrase dentro da plataforma nacional CSIRT e está composto por 13 profesionais que, coa axuda de empresas do sector TIC, son os encargados, entre outras cousas, de monitorizar os sistemas de seguridade, o tratamento de incidentes e a difusión de información relacionada coa seguridade.