Cando nos atopamos cunha páxina que nos resulta interesante, automaticamente engadímola aos nosos marcadores ou favoritos. Esta característica de gardar páxinas leva existindo décadas nos navegadores, pero debido a que a nosa actividade na internet adoita ser intensa, a lista de marcadores acaba sendo eterna e queda desaproveitada.
Para os problemas a tecnoloxía ten remedios e para ordenar a nosa lista de marcadores existen uns cuantos. Hoxe recomendámosvos tres aplicacións web que poden servirnos para aproveitar ao máximo a nosa lista de marcadores.
De uso gratuíto, Pocket é unha aplicación web que nos permite gardar os nosos marcadores directamente desde o navegador, xa que posúe extensións para os navegadores máis modernos. Tan só cun click, podemos gardar as nosas páxinas favoritas na nube, clasificalas mediante tag ou envialas ao noso correo se así o desexamos.
Instapaper
Instapaper é un clásico entre os bloggers. Ademais de gardar os nosos marcadores, esta aplicación permítenos crear unha especie de xornal onde ver as ligazóns dunha maneira máis sinxela e directa.
Se queremos unha maneira moito máis visual de ver e organizar as nosas páxinas favoritas, Flipboard é a nosa aplicación. Permítenos clasificalas, facer nosas propias coleccións e mesmo engadir a outros usuarios para poder ver as súas páxinas gardadas e así compartir coñecemento.