O mancomún é un termo que se refire a unha unión de persoas, esforzos, institucións… para acadar unha finalidade, un servizo ou solucionar un problema común. Sabías que o 25% dos montes galegos corresponde a monte veciñal en mancomún?
O mancomún é algo arraigado na nosa terra, así que… qué mellor nome para referirnos ao portal de referencia do software libre en Galicia.
En http://www.mancomun.org/ atoparás a información necesaria para poñerte ao día neste mundiño.
Mancomún pretende servir como portal de referencia e aglutinador de todas as iniciativas sobre software libre que se están a desenvolver en Galicia, independentemente do ámbito ao que se adscriban: institucional, educativo, voluntariado… todas as iniciativas teñen cabida.
Dende Xente Dixital convidámoste a que explores o portal. Ben seguro que atopas algo que sexa do teu interese.