A principios de semana celebrábase o I Encontro de Cooperación para o Desenvolvemento da Administración Electrónica. Falouse do que se leva feito neste ámbito e dos pasos a seguir, definidos no Plan de Administración e Goberno dixitais, Horizonte 2020, estratexia para culminar a dixitalización dos servizos da Xunta. Disto falaremos no seguinte post.
Hoxe repasamos o que se avanzou nos últimos catro anos co primeiro Plan de Modernización da Administración:
- Os galegos teñen na sede electrónica da Xunta unha canle única para comunicarse coa Administración sen condicionantes de tempo e espazo. O 50% dos trámites coa Xunta pódense presentar online.
- Preto de 13.000 empregados públicos dispoñen de acreditación dixital e en tres anos asináronse 420.000 documentos de xeito electrónico.
- As máis de 500 oficinas de Rexistro contan cun único sistema de información e estase a iniciar a súa dixitalización.
- Reformouse o portal xunta.es, que recibe máis 6 millóns de visitas anuais e a Xunta conta con máis de 600.000 seguidores nas redes sociais.
- A Xunta conta con 17 aplicacións móbiles de diferentes servizos que acumulan máis de 180.000 descargas, entre elas as aplicacións do DOG móbil, da Plataforma de cCG, Mobem (para persoas en situación de desemprego), Abalar (para o seguimento da práctica educativa)…
- O portal Abert@s que ofrece preto de 300 conxuntos de datos abertos para a súa reutilización.
- Púxose en marcha a plataforma de interoperabilidade Pasaxe! que posibilita a conexión entre os servizos dixitais das administracións evitando aos cidadáns presentar a mesma documentación en distintas oficinas: documentos de identidade, títulos formativos, certificados, etc.