Foto mbiebusch (Flickr)
A Consellería do Medio Rural e do Mar, en colaboración co Axencia para a Modernización Tecnolóxica de Galicia, vai destinar máis de 400.000 € a proxectos dinamizadores de áreas rurais promovidos por microempresas, para o uso das Tecnoloxías da Información e as Comunicacións (TIC). O Diario Oficial de Galicia (DOG) acaba de publicar a convocatoria destas subvencións que son cofinanciadas co Fondo Europeo Agrícola de Desenvolvemento Rural (Feader) e xestionadas pola Axencia Galega de Desenvolvemento Rural (AGADER).
As axudas están destinadas á implantación de equipamento físico (hardware) e aplicacións informáticas, para que as microempresas aproveiten as TIC e o acceso á rede no desenvolvemento do seu negocio.
As subvencións poden chegar ata un máximo do 50% do investimento e fíxase unha cantidade máxima de 30.000€ por beneficiario. O investimento mínimo debe ser de 4.000 €.
Solucións TIC para autónomos
En Xente Dixital xa adicamos un post á Guía de solucións TIC en Sofware Libre para profesionais autónomos, elaborada por Agasol (Asociación de Empresas Galegas de Software Libre) en colaboración coa Amtega. Lembrades para que servían ferramentas como Sugar CRM, Prestashop ou Drupal Commerce? Son aplicacións útiles para a xestión de proxectos, para a venta online de produtos… Seguro que atopades información útil para o voso negocio.