Foto autronic.net
A Xunta acaba de abrir a terceira convocatoria de axudas para contratar internet de banda larga vía satélite nas zonas máis illadas de Galicia. Esta medida, que complementa ás convocatorias de 2012 e 2013 das que se beneficiaron máis de 1.400 usuarios, é unha actuación do Plan de Banda Larga da Xunta de Galicia, que desenvolve a Axencia para a Modernización Tecnolóxica de Galicia.
Non é a primeira vez que chamamos a atención sobre esta posibilidade; nalgunhas zonas de Galicia non é doado conectarse á rede a través dos operadores de telefonía habituais pero podedes facelo vía satélite e por un prezo similar.
Os beneficiarios das axudas serán, de novo, fogares e empresas con enderezo en Galicia que non dispoñan de acceso á rede de cando menos 2Mbps. O programa establece unha única subvención por enderezo para sufragar gastos de instalación e equipamento, cunha contía máxima de 150€ e condicionada á contratación dun servizo de 2Mbps como mínimo cun período de permanencia de 12 meses.
Os interesados en acceder ás axudas deben contratar o servizo a través dalgunha das entidades colaboradoras: Quantis, Duo Telecom, Eurona, Intermax ou Terrachá Technology. Estas asumirán a alta de liña e o importe da tarifa do primeiro mes.
O prazo de presentación de solicitudes a través das entidades colaboradoras remata o próximo 30 de agosto. Este mércores entrevistamos a Belén Ferreiro, da Área de Sociedade Dixital da Amtega; os efectos do Plan de Banda Larga ou as actuacións da Amtega en áreas rurais, entre outros temas, estarán na lista de preguntas.
Gran invento o Internet por satélite… Levo dous anos utilizandoo e nada que ver co que tiña antes. Eú contratéino con unha empresa que se non me equivoco é distribuidora de Eurona. A verdade que se portaron moi ben conmigo, xestionaronme a subvención e o tecnico que vino a instalar a antena foi moi profesional.
Creo que son os de esta páxina: http://www.internet-satelite.eu/
Os outros que aparecen no ártigo non os coñezo.
Grazas polo comentario Xurxo! 🙂