Hai unhas semanas presentouse eMonte.es, unha iniciativa moi interesante que busca ser o punto de referencia para todas as persoas galegas que desexen vender e comprar madeira. Esta plataforma busca aumentar a actividade do mercado de compra/venda de madeira e desa maneira, incrementar a competitividade nun mercado definido polo localismo e a variación esaxerada de prezos.
A plataforma é moi sinxela: se posúes madeira para vender, o único que tes que facer é rexistrarche e introducir a cantidade de produto que dispós e o prezo de saída. Este rexistro é totalmente gratuíto, tendo unicamente que pagar unha penalización se se rexeitan ofertas de compra, xa que o obxectivo da plataforma é revitalizar o mercado, non ser unha plataforma de valoración de madeira en venda.
Tanto sexas un particular como unha empresa, se desexas comprar madeira en eMonte.es débese pagar unha cota anual, a cal é gratuíta ata final deste ano pero que logo será entre 300 e 800 euros, máis o 1% do valor das compras que se realicen a través da plataforma.
Cunhas poucas semanas de vida, eMonte.es xa ten 50 empresas inscritas na plataforma, sendo estas principalmente de Galicia e Portugal, pero esperan aumentar este número a medida que a plataforma se popularice e creza tanto en contido como en usuarios que queiran vender o seu *xenéro.
eMonte.es tamén dispón dunha aplicación móbil, que permite realizar as mesmas accións que a páxina web, tales como buscar lotes, acceder á súa ficha ou pedir instrucións para a localización exacta da leira. Desta maneira, o comprador pode comprobar o estado do produto antes de adquirilo sen necesidade de que o vendedor teña que desprazarse.
Para máis información, a súa páxina web eMonte.es ten todos os detalles.