O vídeo é parte das nosas vidas: atopámolo na televisión, nas redes sociais e, en moitas ocasións, en metade da rúa. Aínda que hai profesionais que se dedican á produción e realización de vídeo, en ocasións atopámonos con que queremos realizar nós uns mesmos para unha ocasión especial, co que temos que pelexarnos con este tipo de programas.
Cando nos atopamos nesta situación, na maioría de ocasións optamos polo Windows Movie Maker, o programa gratuíto que trae o sistema operativo pero, sendo sinceros, este programa deixa bastante que desexar en canto a opcións e personalización. Hoxe presentámosvos tres programas gratuítos de edición de vídeo que poden axudarnos a facer unha peza curiosa e de calidade máis que aceptable.
Filmora
Filmora é un dos programas de corte gratuíto máis potentes que hai para Windows. Cunha interface intuitiva, permítenos realizar transicións, introducir efectos e texto de maneira moi sinxela. E cando dicimos que é fácil, é que o é, xa que a súa maneira de edición baséase en arrastrar e soltar elementos onde queiramos.
VideoToolBox
Non todo son programas na edición de vídeo. VideoToolBox é unha aplicación web que permite editar vídeos de maneira online de ata 600 megas. Permite engadir subtítulos, fusionar vídeos e introducir textos para que o noso vídeo quede da mellor maneira posible.
ZS4 Vídeo Editor
Con este complicado nome, este programa está máis orientado a xente que xa sabe algo de edición de vídeos. Permite fusionar vídeos, controlar todas as súas características e engadir transicións e efectos. A interface é algo basta, pero compénsao coa potencia e flexibilidade que ofrece.