Xa sabedes que non serve de nada xestionar as redes sociais da vosa empresa se non controlades os resultados que obtedes. Xa compartimos unha guía práctica sobre monitorización de resultados en Facebook. Que temos que medir na xestión de Twitter?
Actividade
Estatísticas Twitter
Cómpre controlar a evolución do número de seguidores e seguidos e o número de actualizacións que facemos. Tendo en conta o número de actualizacións, se investimos en publicidade en Twitter ou se fixemos algún sorteo, o máis importante é o número de novos followers que gañamos cada mes.
Para controlar a evolución da páxina temos que observar a evolución da interacción co noso perfil, relacionándoa co número de seguidores e as publicacións feitas.
Interacción dos usuarios
Estadísticas Twitter
Nas estatísticas de Twitter ou nas que podedes obter nun xestor de redes sociais como Hootsuite, tomade nota das mencións, retuits, favoritos e, moi importante, os clics nas ligazóns que publicades.
Contidos
Twitter ofrécenos información da actividade dos tuits que inclúe cantos retuits e favoritos conseguiron e canta xente visualizou o tuit. Os tuits máis valorados serán aqueles que consigan un maior número de clics. Desta maneira poderedes valorar que contidos dos que publicades lle interesan máis aos vosos seguidores. Neste caso, son máis fiables as estatísticas que nos da Hootsuite que as do propio Twitter.
Sorteos
Podedes usar unha app como Onekontest para facer un concurso de hashtags, de fotos, de vídeos, etc. A aplicación daravos información do número de usuarios que participaron ou dos dispositivos ou lugares dende os que se conectaron. Tamén podedes solicitar información como o correo electrónico ou o número de teléfono para usalos en futuras comunicacións. Non esquezades as bases legais.