Día 11 – 2.ª Reflexión e cuestionarios de usos lingüísticos
Parabéns! Seguro que es das persoas que está avanzando moito no seu uso do galego.
Hoxe terás dúas misións: realizar a túa 2.ª reflexión e cubrir a enquisa sociolingüística de uso da lingua galega no teu centro de ensino.
2.ª Reflexión
Xa vas pola metade dos 21 días co galego e +.
– Como vai o teu reto persoal?
– Está a ser como ti agardabas?
– Xa identifaches as persoas que che axudan a falar máis en galego?
– Que che parecen os materiais creados polos outros centros participantes?
– Pensa un novo reto medible e graduable para ti na segunda parte do programa que agora comeza.
Cuestionario de usos lingüísticos
Preme no cuestionario do colectivo ao que pertences e sigue as instrucións que che facilitará o profesorado do teu centro, el é o que che indicará cando e como debes realizar o cuestionario.
Estes cuestionarios son anónimos e forman parte das enquisas de centro para o Proxecto Lingüístico, un documento que de xeito obrigatorio deben realizar todos os centros educativos de Galicia.
Advertencia para as familias:
- A nai, o pai ou representante legal debe cubrilo por separado e co mesmo contrasinal que o seu fillo ou filla.
Preme no cuestionario que debas cubrir ti.