Día 6 – Tradi, museos a ceo aberto, muralistas e cores

Comezamos este domingo cun dos videoclips icónicos da revolución do “Tradi” en Galicia. Trátase da Muinheira de interior de Boyanka Kostova. 

Para este domingo traémosvos tamén museos, mais uns museos diferentes, aqueles que podemos atopar a ceo aberto en moitas localidades galegas. Nesta peza documental podedes achegarvos ao museo a ceo aberto de Carballo.

Se che resultou interesante, podes acceder a máis pezas da serie documental Museo a ceo aberto nas localidades de Ordes, Vigo, Cambre e Lugo entre outras.

Agora ímonos achegar á obra de Yoseba Muruzábal, un dos máis recoñecidos artistas dos museos galegos a ceo aberto pola súa serie Fenómenas do rural.

Na serie Catro + Catro poderaste achegar en vídeos breves coma este a oito artistas galegos novos.

E despois de todas esas cores dos graffiti, rematamos con máis cores, con todas as que trae o videoclip do tema “Cores” de Magín Blanco e que conta coa fermosa animación de Luz Beloso. Este tema forma parte do traballo A nena e o grilo, dirixido á xente miúda e do que, como podedes ver, podemos gozar a calquera idade.