Día 9 – En galegas
O centro
O Colexio Esclavas da Coruña preséntanos En galegas, un proxecto para se achegar a mulleres galegas que sirvan de referencia para que as rapazas teñan espellos onde se mirar.
E para que amplíes o teu coñecemento de galegas destacadas, ofrecémosche unha presentación, realizada polo mesmo colexio, na que poderás coñecer algunhas delas. Despois, se o desexas, tamén te convidamos a divertirte con dous xogos para comprobares canto as coñeces.
O Álbum de mulleres é un proxecto da Comisión de Igualdade do Consello da Cultura Galega. Esta elabora vías e deseña medidas que desde un enfoque de xénero permiten darlles visibilidade ás contribucións das mulleres en todos os ámbitos sociais e poñelas en valor.
Dígocho eu!
E hoxe Esther Estévez ensínnanos que as cousas non se teñen que facer como sempre se fixeron e que tamén son posibles outras formas de ensinar.