(Galego) O IESP de Ames envía mensaxes a través do tempo

Disculpa, pero esta entrada está disponible sólo en Gallego.

Os alumnos e alumnas de 4 de ESO de Xeografía e Historia realizaron o proxecto de investigación Mensaxes a través do tempo no que se puxeron na pel de diferentes personaxes históricos de época contemporánea.

Os personaxes históricos foron asignados por parellas aos alumnos e alumnas, mais sen desvelar en ningún momento que alumno ou alumna estaba detrás de cada personaxe. Despois de investigar sobre a parella de personaxes, cada persoa púxose na pel do seu personaxe e escribiu unha carta ao outro personaxe adxudicado. Ademais cada persoa realizou unha recreación dun retrato orixinal do seu personaxe asignado.

Ao final da actividade cada quen puido saber que compañeiro ou compañeiro estaba detrás do personaxe histórico que lle escribía.

Con este traballo os alumnos e alumnas aprenderon sobre personaxes históricos do mundo da arte, as letras, a música, a danza, a política, a ciencia, etc. de época contemporánea engadindo unha componente lúdico e de misterio nunha reinterpretación histórica do xogo das amizades invisibles.

Este traballo foi realizado durante a etapa de confinamento máis estrito, polo que os alumnos e alumnas fixeron un gran traballo de imaxinación e creatividade para poder recrear os retratos orixinais empregando só aquilo co que contaban en casa. Os resultados son espectaculares!! Podedes velos no Museo virtual KaleidoScapes.

Propoñémosvos un xogo: sodes quen de identificar as parellas dos retratos a seguir? Para facilitarvos o labor dámosvos as parellas e vos só tedes que identificalas: Martin Luther King e Rosa Parks, Jesse Owens e Diane Leather, Bobby Fischer e Garry Kasparov, Frida Kahlo e Chavela Vargas, Mahatma Gandhi e Nelson Mandela, Maruxa Mallo e María Zambrano, Rosa Luxemburgo e Dolores Ibárruri, Enzo Ferrari e Henry Ford II.