Visita ao Museo Etnográfico de Quiroga

Durante o primeiro trimestre todo o alumnado de primaria distribuído en ciclos realizou unha visita ao Museo Etnográfico de Quiroga. Esta visita enmárcase dentro das actividades programadas neste curso para afondar no coñecemento da artesanía do noso territorio. O alumnado puido observar utensilios propios desta zona que foron empregados para os labores do campo e para diferentes oficios hai anos polos nosos antegos e que, na actualidade, practicamente quedaron en desuso. Cada unha das seccións (a cultura do viño, a lareira, a aldea, a madeira,…) foi explicada pola guía do museo, Mari Carmen, Alejandro o técnico de turismo e polo seu director Ramón Vila. O alumnado participou facendo preguntas e escoitando relatos dos quefaceres diarios doutros tempos.

Con esta saída, xunto con outras actividades, pretendemos poñer en valor o noso pasado, o noso territorio, os nosos oficios, as nosas xentes. En definitiva, as nosas raíces.