O pasado 3 de xullo na biblioteca de Barro, os mais novos da casa descubriron como se realizaban diferentes pezas de olería, nos tempos dos Celtas. Dun xeito práctico, traballaron o proceso de preparación dos materiais e as técnicas de execución.

O obradoiro de cerámica foi unha experiencia totalmente satisfactoria e gratificante para os participantes, que levaron para a súa casa, os traballos realizados, poñendo en valor  os achados no Castro do Monte da Chan.

👉Debido a que no Concello de Barro, no Monte da Chan, están descubrindo un Castro de grandes dimensións, a Biblioteca de Barro, a través da mostra bibliográfica “Os Castros e os Celtas”, pon a disposición d@s usuai@s información sobre o noso  patrimonio cultural.