Alumn@s de 2º e 3º ciclos do C.E.I.P. de Moeche pasaron un bo anaco da mañá do día 29 de setembro aprendendo a redactar, locutar, gravar e editar un podcast. Con técnicas de locución, teatro e dobraxe. Lectura inerpretativa, modulación de voz, vocalización e locución. Todo o cal lles resultou do máis interesante e ameno.
Onte pola tarde volveunos a visitar TrinkeTrinke Teatro, na axencia de lectura de Oubiña, co espectáculo ” O ratiño presumido”.
Co rato Fuco e a ratiña Lily Gruyere chegados de Lonxedetodo, dándolle a volta ao conto clásico para amosar a un ratiño que racha cos estereotipos de xénero.Volveu a ter moi boa acollida por parte do público.
Pasárono xenial!!
O pasado xoves recibimos na Biblioteca de Cenlle a Blanca Millán e R. J. Peralta que cantaron e contaron fermosos contos dos que disfrutaron moito os usuarios máis cativos da Biblioteca.
Onte pola tarde achegouse á BPM do Ézaro, no concello de Dumbría, Fazulas e o ladrón de paraugas da man da compañía Bandullo Azul.
Unha bonita historia baseada no libro O ladrón de paraugas que, coa axuda do monicreque Fazulas e a actuación de Fran, conseguiu meter aos asistentes no conto.
Unha tarde ben entretida!
O dia 29 de setembro tivemos con nos na biblioteca pública Francisco Carballo de Maceda aos nenos de quinto e sexto de primaria do colexio publico de Maceda, asistindo á actividade “Museo Científico ou Escape Room” da temática astronautica, cun ambiente moi participativo, na que nenos e nenas disfrutaron e aprenderon xogando. Moi recomendable!
O luns 2 de outubro, pudemos disfrutar das fermosas historias que nos contou Cris de Caldas do seu espectáculo “A Bibliotecaria Estrafalaria” libros cheos de debuxos, cores, maxia, con personaxes valentes e persoxes malos, historias inventadas e contos grandes, pequenos, con sorpresas. Todo esto fixo as ledicias do público asistente.
Os alumnos de 1°e 2° da ESO do IES Plurilingüe Fontem Albei de A Fonsagrada participaron esta mañá nun Escape Room na Biblioteca Pública Municipal do Concello de A Fonsagrada .
Neste xogo de aventuras físico e mental a rapazada resolveu unha chea de indicios e enigmas contra o reloxo.
Este venres na bibioteca de Mera puidemos gozar co LEÓN AZUL de Trécola Teatro.
A biblioteca transformouse nunha abraiante pista de circo.
Foi unha sesión moi divertida e entretida
O pasado venres 29, as familias acudiron á biblioteca municipal Xabier P. Docampo (A Barcala – Cambre) para aprender a debuxar letras nun interesante e ameno obradoiro creativo, a cargo de Alba Farto.
O venres, 29 de setembro tivemos a visita de TrinkeTrinke Teatro, co espectáculo O ratiño presumido.
Co rato Fuco e a ratiña Lily Gruyere chegados de Lonxedetodo, dándolle a volta ao conto clásico para amosar a un ratiño que racha cos estereotipos de xénero.
O espectáculo tivo moi boa acollida por parte do público, tantos dos nenos/as coma dos maiores.
Pasárono xenial!!
Séguenos