Rocío Couto axudounos este ano a celebrar o Día do Libro. Durante unha hora e media a biblioteca encheuse de carreiras de rapaces en busca do misterio agochado entre os nosos libros. Unha actividade ideal para aprender sobre a organización do noso fondo.

Con motivo das Letras Galegas visitáronnos Cris e Jean. Os rapaces e rapazas que viñeron celebrar na biblioteca este día tan especial aprenderon o funcionamento da imprenta e elaboraron un fermoso fanzine sobre a vida e obra de Florencio Delgado Gurriarán.

Con motivo das Letras Galegas visitáronnos Cris e Jean. Os rapaces e rapazas que viñeron celebrar na biblioteca este día tan especial aprenderon o funcionamento da imprenta e elaboraron un fermoso fanzine sobre a vida e obra de Florencio Delgado Gurriarán.

Este venres 3 de xuño, cinco nenos e nenas desfrutaron dunha tarde de historia, aventura, misterio e diversión cun contacontos e obradoiro, impartido por Andrea Barreira, sobre a aviadora e aventureira Amelia Earhart. Puideron coñecer a súa historia e mesmo deseñar e construir os seus propios prototipos de avións.

Na Biblioteca de Coristanco festaxamos o día das Letras Galegas na compañía de Antía Yáñez, quen nos sorprendeu cun obradoiro cheo de experimentos e fitos misteriosos. Maxia e ciencia uníronse neste taller onde as matemáticas e as reaccións químicas protagonizaron estes “encantamentos”.

Onte Sole Felloza achegouse ás Pontes e púxolle voz a algúns dos poemas de Florencio Delgado Gurriarán. Entre contos de Valdeorras e unha viaxe pola vida de Florencio desde o seu Córgomo natal ata México, o público pontés puido coñecer un pouco máis ao autor homenaxeado nas Letras Galegas 2022. A presenza escénica de Sole Felloza é sempre un desfrute, acompañado ademais neste Vendimando versos da sonoridade e fermosura dos poemas de Delgado Gurriarán.

Comezamos a programación de Ler conta moito 2022, con moitas ganas e coa visita de Luis Vallecillo e o seu concerto “Cantares das letras”.

Fixemos toda unha festa para celebrar o día das Letras Galegas, cantamos. aprendemos, xogamos e bailamos pero sobretodo pasamos un rato divertidísimo coas cancións e o humor de Luis, todo un profesinal e gran músico ademais dunha gran persoa !

Grazas Luis pola túa vistita!

Xincana con trece estacións sobre a figura do escritor homenaxeado nas Letras Galegas, ben estruturada e axeitada para nenos/as a partir de 10 anos.

O venres 6 visitou a Biblioteca do Grilo-Cacheiras Óscar Villán para falarnos do mundo da ilustración. Partindo do seu traballo e do traballo doutros artistas, amosou unha panorámica do proceso creativo detrás da ilustración e de distintas maneiras de abordar esta disciplina artística.

O venres 22 de outubro tivemos a última sesión na biblioteca , está vez un taller de robótica moi divertido e participativo.