O venres 30 de setembro a biblioteca de Sarria recibiu a visita da compañía de teatro A Tropa de Trapo presentando o seu espetáculo 4 monos.
Marta Ortíz e Brais das Hortas nos achegan catro contos para falar de como nos relacionamos entre nós e co mundo que nos rodea. Imaxinando que un mundo mellor é posible.
Tanto nenos como no tan cativos disfrutaron das historias que narraron, acompañadas de música e unha orixinal posta en escena.
Despois de moito tempo sen recibir a súa visita, ao fin estes “ratos de biblioteca” puideron regresar a Sarria.
Volveron cargados de contos e aventuras para compartir cos nenos e nenas, e tamén cos pais e nais que nos acompañaron o pasado venres.
Os ratiños cantaron moitas cancións e fixeron algunhas travesuras, sobre todo o Ratiño Pillo que non paraba de querer comer bocatas e de estropear o regalo que estaban facendo para a súa amiga Lili. Menos mal que o público lle dicía como tiña que comportarse!
A biblioteca de Sarria despide a estes ratos un ano máis, agardando que volvan pronto, e así poder falarlles de todos os nenos novos que visitan a nosa biblioteca gracias a eles.
O venres 16 de setembro celebrouse o primeiro contacontos de Ler conta moito deste ano, e foi un comezo con moito “conto”.
Os nenos percorreron Galicia “conducindo” desde o seu asento, e descubrindo os monstros e seres fantásticos que aínda habitan na nosa terra.
A mitolóxica Coca de Redondela, a fermosa serea de San Cibrao, o carballo de San Fins,…foron algunhas das aventuras que viviron con moita entrega e entusiasmo os que acudiron esta tarde. Todos quedaron moi agradecidos á Compañía Barafunda pola súa fantástica representación, desexando volver a emprender una nova viaxe da súa man.
O venres 24 celebróuse este conto. Os nenos participaron moito, chamando para espertar a Amedeo, e logo imitando os animais da granxa, algo que
para eles , en xeral, é moi coñecido. Os pais moi contentos, notábase moita alegría.
A proxección de contos clásicos adaptados, nas primeiras adaptacións de cine mudo, gustó moito aos nenos e así participaron eles moito máis.
” Non te vaias”, decía un neno participando totalmente en la actividad.
Gustou moito tamén aos pais, facendo moitas preguntas a Raquel sobre a proxección, etc.
Celebróuse un obradoiro creativo que o tema foi Xela Arias (nada en Sarria). Xugándo ás cartas, os nenos pasaron un momento moi divertido e animado. Demostraron aos adultos (pais e nais) o que saben non só de Xela, tamen referente as Letras Galegas.
O pasado venres tivemos a sorte de recibir na BPM de Sarria á actriz e escritora Celtia Figueiras, quen nos relatou o conto de “U-la lúa?”, unha gatiña que quería cumprir un soño: viaxar.
Cos seus monicreques de mesa e a súa voz, a artista conseguiu que as nenas e nenos seguiran con moita atención a historia. Participaron e riron ao longo de todo o conto, e aprenderon a importancia das amizades e da unión para que os soños se fagan realidade: a felicidade dos demais tamén é a túa.
O pasado venres tivemos a sorte de superar as probas para ter en Sarria unha nova sucursal do colexio de maxia e feitizaría Howgarts.
A rapazada traballou moito e moi intelixentemente para poder resolver os enigmas e conseguir abrir a gaiola que contiña as variñas máxicas e así poder liberar a Harry, Hermione e Ron. Adiviñas, chaves, cadeados, contrasinais e moito enxeño e pericia por parte dos fans das novelas fantásticas de Harry Potter.
Fotografía da obra.
Fotografía da obra Que animaliño é na BPM de Sarria.
Na Biblioteca Pública Municipal de Sarria Camilo Gonsar recibimos a estas dúas artistas para que fixeran gozar aos máis pequenos coa súa obra “Que animaliño é?”
O punto de partida foi un xilofono e unha canción ben coñecida, que fixo que aparecera un paxariño… e despois… máis instrumentos e máis cancións como unhas maracas, un palo de choiva ou un ukelele, que fixeron aparecer outros amiguiños que interactuaron co público. E confeti e pompas de xabón. Que máis se pode pedir?
O conto do espantallo fixo as delicias dos nenos e dos pais; vestirse uns de cans, outros de gatos….e conxuntamente
a actuación dos pais e con unha historia tan agarimosa , foi unha despedida moi bonita.
Séguenos