Fermoso espectáculo narrativo e musical que trascende as xeracións e na que o público máis pequeno participou activamente creando unha tarde máxica.

Este martes 24 de maio, fixemos un percorrido da man de Yolanda Castaño dende os seus inicios, sendo unha cativa que admiraba a Rosalía e soñaba con crear poemas como ela, á muller poetisa que é hoxe, cunha carreira imparable, eso sí, con gran esforzo, reinventándose cos anos sen decaer ata poder vivir da sua obra poética.

Agardamos ter máis oportunidades coma esta de gozar coa súa poesía.

A través dunha técnica artística antiga , as participantes deste obradoiro crearon unhas preciosas figuras, nas que non faltou a alusión á lectura.

Na biblioteca das Neves festexamos o día das Letras Galegas con Electra unha gran profesional que facilitou o proceso de creación das participantes neste obradoiro de cestería en papel.

Quen fai un cesto, fai un cento é un obradoiro no que as participantes aprenderon a técnica do trenzado, con papeis reciclados, para facer cestos.

Onte Sole Felloza achegouse ás Pontes e púxolle voz a algúns dos poemas de Florencio Delgado Gurriarán. Entre contos de Valdeorras e unha viaxe pola vida de Florencio desde o seu Córgomo natal ata México, o público pontés puido coñecer un pouco máis ao autor homenaxeado nas Letras Galegas 2022. A presenza escénica de Sole Felloza é sempre un desfrute, acompañado ademais neste Vendimando versos da sonoridade e fermosura dos poemas de Delgado Gurriarán.

Co gallo do Día das Letras Galegas, adicado este ano á figura de Florencio Delgado Gurriarán, tivemos na Fonsagrada o espectáculo “Vendimando versos” de Sole Felloza. Esta representación de versos e crónicas xira ao redor da obra e vida deste escritor valdeorrés. Embarcamonos nunha viaxe dende o Barco de Valdeorras ata México. Coñecemos unha historia de amor pola terra, a lingua e os costumes e tradicións da súa xente.

Este mércores 20 de Abril comezamos a programación especial do Mes do Libro coa incrible historia da maxia de Mago Teto. Unha tarde moi divertida na que tanto os nenos e nenas como os adultos desfrutaron da maxia e da súa maravillosa historia.

Soledad Felloza fixo as delicias do público adulto que asistiu ao contacontos con grande interese e particicipación.

“Entre o caravel

e a rosa-Contos escollidos de Emilia Pardo Bazán”: Así cantaban as coplas no Madrid que veu a dona Emilia loitar por un lugar no Ateneo, nas tertulias, na Biblioteca Nacional. Neste espectáculo contaremos historias que amosan a esencia solidaria, dunha das máis grandes mulleres da literatura universal co gallo da celebración do seu centenario.

Día 22 de outubro de 2021 ás 18:00, biblioteca de Escairón