Os cativos de Culleredo conmemoraron o Ano Picasso cunha divertida e maravillosa actividade. Foi na Biblioteca Municipal, sita no lugar de O Burgo, o día 11 de maio. Despois de percorrer a infancia na Coruña do artista, e tamén coñecer as diferentes etapas da súa pintura, fixeron figuras de cartolina de estilo cubista, e foi xenial! 
O Obradoiro “O mundo da dobraxe” resultou todo un éxito. Ademais de explicar á rapazada participante en qué consiste a dobraxe dun xeito ameno e divertido, a sesión foi moi participativa, involucrando aos nenos e nenas que tiveron a ocasión de dobrar un fragmento dun episodiro de “Bon Esponxa” ao galego. En resumo, a actividade cumpliu con creces as expectativas do público asistente, que ao final viu o resultado do traballo en equipo, con esta sesión de dobraxe, un apartado das artes da comunicación audiovisual que merece ser coñecido e recoñecido.
Andrea Jamardo Seijo, de Cuarto de inverno, trouxonos hoxe unha actividade de animación á lectura: Da árbore ó libro, contando e axudada de proxeccións como se fai un libro dende a árbore ata que está nas nosas mans. Ós alumnos e alumnas de terceiro de educación primaria do CPI de Pontecesures tamén lles quedou moi clariño como se chaman as partes dun libro, o traballo dos e das autores/as, as correccións, as ilustracións, o deseño gráfico e todo o traballo que ten o libro antes de chegar á imprenta. Logo o traballo continúa coa distribución e venta.
E despois de todo esto houbo un obradoiro donde todos e todas fixemos o noso propio libro.
Na tarde deste venres, 23 de setembro, a Biblioteca Municipal Xabier P. Docampo de Cambre acolleu a actividade de animación á lectura ‘Cinema Marabillas. Ver para ler!’ da man de Raquel Queizás.
Nesta sesión tivemos a oportunidade de achegarnos á lectura dun xeito atractivo e divertido, a través da proxección de fragmentos das primeiras adaptacións cinematográficas de cine mudo inspiradas nos contos marabillosos e nos libros clásicos da literatura. Polgariño, Alicia no país das marabillas, Peter Pan, O mago de Oz… O cinema tamén se le.
A maxia visual chegou á Biblioteca Rialeda. Marcos provocou a sorpresa dos asistentes elaborando figuras e paisaxes con area, proxectada, despois, na pantalla. O debuxo guiou a narrativa, acompañada con voz e cun fondo musical e cromático axeitado a cada conto. 
Divertido, divulgativo e participativo obradoiro/espectáculo sobre o Sol, e sobre a natureza e propiedades da luz, que deixou aos nenos/as de 2º e 3º ciclos do CEIP de Moeche enganchados, cheos de interese e asombrados ante os experimentos e as exposicións de Vicente Mohedano, tomando un papel moi activo en todo momento.
Grazas a Vicente polo que puxo da súa parte para que a actividade puidese chegar ao maior número de alumnos posible, tendo en conta os protocolos covid dos colexios.
O pasado xoves a Biblioteca Xela Arias festexou de xeito adiantado o Día das Bibliotecas cun espectáculo de cinema e narración oral que foi moi ben recibido polos nosos usuarios, cativos e grandes.
A nosa biblioteca de Chapela escolleu o espectáculo “Cinema marabillas: ver para ler” da xenial artista da narración oral Raquel Queizás, polo éxito que obtivo o pasado ano na Biblioteca Valle-Inclán.
“Cinema marabillas: ver para ler” é un espectáculo fantástico e cheo de maxia que atrapa aos espectadores, nenos e grandes, achegándolles os contos clásicos á vez que os descoñecidísimos primeiros filmes do cinema mudo.
Ademáis, a biblioteca preparou un fondo escollido de libros sobre cinema e contos clásicos que estivo presente na actividade.
Pasamos unha estupenda tarde de cinema, celebración e achegamento aos libros.
Espectáculo de Raquel Queizás no que a narración oral de contos clásicos acompaña ao audiovisual de fragmentos das primeiras adaptacións cinematográficas de cine mudo dos mesmos e no que se fai uso das novas tecnoloxías para introducir á narradora nesas mesmas películas.
Na alta montaña lucense gozamos dun pequeno gran festival de cine: o Festivaliño na biblio. Todxs xs asistentes puideron ver as mellores curtas do mundo seleccionadas en exclusiva para a ocasión. Ademais, entre curta e curta, cantamos unha canción (ou dúas).
Día 23 de outubro de 2020 ás 10:00, biblioteca de Escairón
Celebramos o Día das Bibliotecas coa última actividade do programa Ler conta moito, trasladada á biblioteca escolar debido á situación que vivimos co coronavirus…
da man de Anxo Moure
o 23 de outubro, ás 10:00 na biblioteca escolar
co alumnado de 4º de Primaria do CEIP de Escairón.
Achegámonos á historia do cinema da man de Anxo Moure coa súa cinecleta:
A Anxo Moure coñecémolo hai anos coa súa titiricleta
Aprendemos moito con bandas sonoras de películas moi coñecidas do cine universal, con mímica e cancións adiviñamos personaxes coñecidísimos como Charles Chaplin ou Mary Poppins.
Viaxamos a través do cine mudo despois de coñecer a reacción das persoas que viron a primeira proxección cinematográfica que levaron o susto das súas vidas!
Tamén soubemos do cine mudo, e dos grandísimos irmáns Marx.
O máis importante é que tamén coñecemos parte da nosa historia local a través dos cines que había na vila. Incluso puidemos ver un deles por dentro, no que aínda se conserva un proxector de carburo.
Vimos proxeccións na parede, no teito, nos libros e tamén en persoas.
Foi moi divertido!
Poden atoparse no catálogo da Rede de Bibliotecas de Galicia en moitas bibliotecas libros sobre o cinema [consulta aquí os libros que hai na nosa biblioteca] e múltiples películas de distintos xéneros e épocas.
Séguenos