@s @s nen@s de 2º e 3º ciclos do colexio de Moeche coñeceron ás máis destacadas científicas galegas e os seus logros na investigación científica, ao tempo que se achegaron á ciencia por medio de curiosos experimentos que causaron o seu asombro e admiración.

Todo da man de Patricia, a monitora de eduvía, con coñecementos, amenidade e simpatía.

O espectáculo “A Festa dos Monicreques” fixo as delicias dos compoñentes do obradoiro de memoria da Biblioteca Pública de Moeche.   Moitas risas ao fío das peripecias de Barriga Verde e demais personaxes, e moitas lembranzas da infancia,  cando ela viña xa a Moeche “nas timbecadas” de feiras e festas, que remataban así: “Morreu o demo, acabouse a peseta”.

Larraitz Urruzola, a artista, na súa liña da calidade de sempre.

Divertida, animada e moi musical,  a actividade “Onde está o vento?” , de animar-t, fixo as delicias dos bebés e dos pais e nais que se achegaron ata a Biblioteca de Moeche, no seu exterior, para gozar do espectáculo nun entorno natural e un día espléndidos.

Divertido, divulgativo  e participativo obradoiro/espectáculo sobre o Sol, e sobre a natureza e propiedades da luz, que deixou aos nenos/as de 2º e 3º ciclos do CEIP de Moeche enganchados, cheos de interese e asombrados ante os experimentos e as exposicións de Vicente Mohedano,  tomando un papel moi activo en todo momento.

Grazas a Vicente polo que puxo da súa parte para que a actividade puidese chegar ao maior número de alumnos posible, tendo en conta os protocolos covid dos colexios.

“CONTOS QUE ALIMENTAN”

Divertida tarde a que pasou un grupo de maiores de Moeche, ás portas da biblioteca, cos contos, anécdotas e chascarrillos da vida cotiá típica galega, contados por Cris de Caldas co seu bo facer habitual

Inspirados polo canto da buguina, bebés e nenos pequenos de Moeche, xunto con pais e nais, viaxaron polo mar visitando as illas onde viven caracois, galiñas poñedoras e vacas…, regando a herba e cantando cancións de mares e mareas.

Nun local anexo á Biblioteca por causa das precaucións sanitarias preceptivas, levouse a cabo este obradoiro de curiosos experimentos científicos que deixaron aos rapaces de 5º e 6º de Educación Primaria do Colexio, cheos de asombro e quen sabe se dunha incipiente vocación científica. Estupenda realización  cargo da entidade “Ciencia en Movemento”.

Aos magníficos sons do acordeón de “Pulpiño” e coa voz e animación de Xurxo Souto, autor da recopilación e adaptación das cantigas das conserveiras do século XIX, cantamos todos con entusiasmo na biblioteca de Moeche, pasando unha velada inolvidable.

Que mellor estimulación sensorial para os bebés que os xogos ao son da música e os arrolos tradicionais.

De todo isto gozaron os pequerrechiños de Moeche, as súas nais e outros familiares, o sábado, día cinco,  na Biblioteca de Moeche, nun obradoiro a cargo de Esperanza Mara, de EmanArte

“Hai algo máis aburrido que ser princesa?” e, a continuación, “Cando as nenas voan alto”, foron as narracións que Pedro Brandariz, co seu peculiar e divertido estilo, dramatizou para o público asistente, provocando a reflexión sobre a desmitificación dos estereotipos de xénero.