O pasado 26 de xuño de 2026, Xiada Sanlés Míguez, a través de Animar-T, intentou adiviñar coa axuda dos máis pequerrechos da casa onde está o vento…? no Valadouro.
Unha actividade moi dinámica e divertida na que todos os participantes (grandes e pequenos) o pasaron en grande.
A mañá do sábado 20 de xuño, Ariadna Santana presentou en Bergondo o seu espectáculo “Paraíso sensorial” ás crianzas máis pequenas composto por un conxunto de experiencias estimulantes que conseguiron espertar os seus sentidos e desfrutar dun tempo divertido en familia.
Paraíso sensorial – Biblioteca municipal de Bergondo
Paraíso sensorial – Biblioteca municipal de Bergondo
O pasado venres 12 de xuño estivo Caxoto acompañado de Xan e os animais da súa granxa. Que ben o pasamos cantando e escoitando pequenas historias que axudaron a solucionar o problema que
Xan tiña co seu despertador.
.
A Biblioteca Municipal Isidro Novo de Lugo acolleu onte unha nova actividade do programa Ler conta Moito da man de Bea Campos, que presentou o espectáculo “Limón, contos e cantos”.
As crianzas máis pequenas, acompañadas das súas familias, gozaron dunha proposta chea de música, narración oral e participación. A través de contos e cancións, e coa compañía de tenros animaliños que foron aparecendo ao longo do espectáculo, Bea Campos deu vida ás historias e conquistou ao público asistente.
Catuxa estivo nas Pontes contando ao público miúdo un dos seus contos favoritos, A Cebra Camila. Como estaba un día estupendo fixemos a actividade diante da Biblioteca, no parque. Foi unha tarde moi divertida.
O pasado sábado 30 de maio contamos coa presenza de Marta Ortiz na biblioteca infantil e xuvenil de A Senra, en Bergondo, onde levou a escena o seu espectáculo de narración oral para crianzas “Casa, casina, casona”. A través desta obra transmitiunos un variado repertorio de cancións, contos e adiviñas acompañadas dunha coidada selección de obxectos, sons e xestos cos que conseguíu aprender, divertir e entreter as máis pequenas ao mesmo tempo que fixo desfrutar dun agradable tempo en familia.
O sábado 9 de maio tivemos con nós a Bea Campos na biblioteca Luís Rei co espectáculo Limón Contos e Cantos para nenos de 0 a 3 anos. Foi unha actividade moi creativa e sensorial con boa participación dos asistentes.
Pasámolo xenial!!!
O miercoles pasado desfrutamos das nubes de cores de Tremola Teatro, cheas de emocións, cantos, xogos e bailes…e pompitas de xabón, máis de media hora de diversión para os e as peques que desfrutaron deste contacontos acompañados dos seus papis e mamis.
O pasado venres 15 de maio a Biblioteca Municipal da Estrada recibiu a visita de Charo Pita co seu espectáculo Colorín Colorete. A artista encandilou aos nenos e nenas asistentes cos seus contos e cancións, e encheu a nosa sala de actividades dunha atmósfera de diversión.
O pasado xoves acompañounos Bea Campos e os seus contos de Limón, Contos e Cantos dirixido a nenos de 0 a 3 anos.
O “esixente” público aplaudiu e participou en todo momento. Grazas Bea, sempre é un pracer!
Esperamos vela moi pronto
Séguenos