Na Biblioteca Municipal Isidro Novo de Lugo recibimos a Inma Soto co seu espectáculo “Sinfonía de contos”.

Xunto coa clarinetista Tamara Soto, ofreceron unha fermosa proposta que combinou narración oral e música e da que gozaron as crianzas e as súas familias.

A Biblioteca Municipal Isidro Novo de Lugo acolleu onte unha nova actividade do programa Ler conta Moito da man de Bea Campos, que presentou o espectáculo “Limón, contos e cantos”.

As crianzas máis pequenas, acompañadas das súas familias, gozaron dunha proposta chea de música, narración oral e participación. A través de contos e cancións, e coa compañía de tenros animaliños que foron aparecendo ao longo do espectáculo, Bea Campos deu vida ás historias e conquistou ao público asistente.

A Biblioteca Municipal de Lugo Isidro Novo acolleu onte unha nova actividade do programa Ler Conta Moito coa celebración do espectáculo Burromaquia, a cargo do narrador e actor Inacio Vilariño.

Nunha sesión chea de humor, imaxinación e participación, os nenos e nenas asistentes gozaron dun contacontos no que os burros foron os grandes protagonistas. A través de historias tradicionais, contos populares e situacións divertidas.

Agradecemos a todas as familias a súa asistencia e a Ignacio Vilariño por compartir con nós unha tarde tan entretida e chea de historias.

Este xoves, 12 de xuño, tivemos o pracer de recibir na Biblioteca Municipal Isidro Novo a Atenea García, de Xarope Tulú, co seu espectáculo “Bichocas”, unha selección de contos destinada aos nenos e nenas máis pequenos no que a narración se acompaña de monicreques, cancións e moitas risas!

Onte recibimos na Biblioteca Municipal Isidro Novo de Lugo a Dani Blanco co seu espectáculo “Circo na biblioteca” . Malabares con pelotas e libros, equilibrios imposibles, música e moitas, moitas risas, nunha función que foi do agrado tanto das crianzas como dos maiores. 👏

Recibimos a Ana Meilán, autora de moitos contos que temos na biblioteca, que veu contar aos nenos e nenas a historia de Simón, un neno con fama de chorón que decide gardar as súas bágoas debaixo da cama.

Na biblioteca Municipal Isidro Novo de Lugo, recibimos a Paula Carballeira co seu espectáculo “Tres Irmás, tres camiños e tres grandes perigos”. Un contacontos no que a interpretación de Paula é a protagonista, conseguindo atraer a atención tanto dos nenos e nenas asistentes, como dos seus pais. Moi recomendable!

Na Biblioteca Municipal de Lugo recibimos a Caxoto que está de xira celebrando que xa leva 20 anos percorrendo os escenarios de Galicia cos seus contos. Non podíamos deixar de participar nesta celebración!

Cantounos e contounos algunha das histórias que lle contaba a súa avoa e presentounos, ademais, o seu libro “Avoa, neto e burro”

Parabéns por estes 20 anos!!!

Unha tarde chea de contos para as crianzas máis pequenas con Bea Campos, de Migallas Teatro e o seu espectáculo “Cinco ratiños de conto”.  Con historias, rimas e cancións que fixeron gozar tanto ás nenas e nenos como aos maiores.

Onte recibimos na Biblioteca Municipal de Lugo Isidro Novo a Mamá Cabra co seu espectáculo Ondamini con Mamá Cabra, no que Gloria Mosquera e Diego Maceiras  combinaron cancións do seu repertorio con cancións populares. O éxito foi total e tanto os nenos e nenas como os maiores pasámolo xenial, cantando e bailando.